فوتو: اشىق دەرەككوز
Polisia.kz-ءتىڭ جازۋىنشا الاياقتار كوبىنە ءوزىن تارتىمدى جىگىت نەمەسە قىز رەتىندە تانىستىرىپ, بەلسەندى تۇردە حات الماسادى, نازار اۋدارىپ, تەز ارادا سەنىمگە كىرەدى. ۋاقىت وتە اڭگىمە قارجىلاي كومەك سۇراۋعا ۇلاسۋى مۇمكىن.
الاياقتىقتىڭ بۇل سحەماسى كەزەڭ-كەزەڭىمەن داميدى.
- ولار الدىمەن بەلسەندى قارىم-قاتىناس ورناتىپ, ەموتسيونالدىق جاقىندىق قالىپتاستىرادى.
- قيىن ومىرلىك جاعداي, اۋرۋ, شۇعىل شىعىندار نەمەسە ءتيىمدى ينۆەستيتسيالار تۋرالى اڭگىمەلەسەدى.
- شەتەلدىك كريپتوامياندارعا نەمەسە ءۇشىنشى تۇلعالار ارقىلى اقشا اۋدارۋدى سۇرايدى.
- قاراجاتتى العاننان كەيىن بايلانىسىن ۇزەدى نەمەسە ءنومىردى بۇعاتتاپ تاستايدى.
ەگەر اڭگىمەلەسۋشى اقشا اۋدارۋدى سۇراسا, بەينەقوڭىراۋدان جانە جەكە كەزدەسۋدەن جالتارسا, باسقا ادامدارعا تيەسىلى بولۋى مۇمكىن فوتوسۋرەتتەردى قولدانسا, ساق بولعان ءجون.
الماتىدا الاياقتىققا قاتىسى بار 17,6 مىڭ ينتەرنەت-رەسۋرس بۇعاتتالدى
سوندىقتان ينتەرنەت ارقىلى تانىسقان ادامدارعا اقشا مەن جەكە دەرەكتەردى بەرۋگە بولمايدى.
جەكە فوتوسۋرەتتەردى جىبەرمەۋ, كۇماندى سىلتەمەلەرگە وتپەۋ, اڭگىمەلەسۋشىنىڭ ءپروفيلى مەن اقپاراتىن تەكسەرۋ جانە كۇدىك تۋىنداسا, قارىم-قاتىناستى توقتاتۋ قاجەت.
الاياقتاردىڭ ايلاسى وزگەردى: ەندى اقشانى «كۋرەر» بولىپ الىپ كەتەدى
ءىىم-ءنىڭ كيبەرقىلمىسقا قارسى ءىس-قيمىل دەپارتامەنتى ازاماتتاردى ونلاين تانىسۋ كەزىندە مۇقيات بولۋعا جانە زاڭسىز ارەكەتتەر فاكتىلەرى تۋرالى حابارلاۋعا شاقىرادى.
پوليتسيا دەرەگى: الاياقتاردىڭ ارباۋىنا كوبىندە كىمدەر ىلىنەدى؟
