مەملەكەتتىك كەڭەسشى: كونستيتۋتسيالىق رەفورماعا قاتىستى تۇپكىلىكتى شەشىم جالپىحالىقتىق رەفەرەندۋمدا قابىلدانادى

««بايتاق» پارتياسى, «جاڭارۋ» سىبايلاس جەمقورلىققا قارسى قوزعالىسى, رەسپۋبليكالىق ادۆوكاتتار القاسى, «Toqtamys» ادۆوكاتتار قاۋىمداستىعى, حالىقارالىق اربيتراج جانە مەدياتسيا پالاتاسى, پارلامەنتاريزمدى دامىتۋ قورى, ەكونوميكالىق ساياسات ينستيتۋتى, «ازاماتتىق باستاما» باستاماشىلىق توبى جانە باسقا دا ۇيىمدار ءوز ۇسىنىستارىن جولدادى», دەدى ول.

ەرلان قاريننىڭ ايتۋىنشا, جالپى سانى, كونستيتۋتسيالىق رەفورماعا قاتىستى 7 ساياسي پارتيا, 16 قوعامدىق ۇيىم ءوز ۇسىنىستارىن جىبەرگەن. ال, ە-Otinish جانە eGov پورتالدارى ارقىلى ازاماتتار مەن قوعام بەلسەندىلەرى تاراپىنان 600-دەن استام ۇسىنىس تۇسكەن.

«20 قاراشادا مەملەكەت باسشىسى پارلامەنتتىك رەفورما جونىندە جۇمىس كەڭەسىن وتكىزدى. پرەزيدەنت ازاماتتاردان, ساراپشىلاردان جانە قوعام بەلسەندىلەرىنەن تۇسەتىن ۇسىنىستاردىڭ بارلىعىن جان-جاقتى زەردەلەۋدى تاپسىردى. 2 جەلتوقساندا جۇمىس توبىنىڭ ەكىنشى وتىرىسى ءوتتى. جيىندا جاڭا پارلامەنتتىڭ قۇرامىنا قاتىستى ماسەلەلەر قاراستىرىلدى.

اتاپ ايتقاندا, ءبىر پالاتالى پارلامەنتتىڭ وكىلەتتىك مەرزىمى, دەپۋتاتتار سانى, كۆوتالار جانە سايلاۋ ءتارتىبى تالقىلاندى. 29 جەلتوقساندا جۇمىس توبىنىڭ ءۇشىنشى وتىرىسى ءوتتى. وندا بولاشاق پارلامەنتتەگى زاڭ شىعارۋ ۇدەرىسىنىڭ نەگىزگى باعىتتارى تالقىلاندى», دەدى ە.قارين.

6 قاڭتاردا مەملەكەت باسشىسى پارلامەنتتىك رەفورما تۋرالى ارنايى جۇمىس كەڭەسىن وتكىزگەن. جۇمىس توبىنا كونستيتۋتسيالىق رەفورماعا قاتىستى نەگىزگى ۇستانىمداردى ازىرلەۋ تاپسىرىلعان.

9 قاڭتاردا جۇمىس توبىنىڭ كەزەكتى ءتورتىنشى وتىرىسى ۇيىمداستىرىلعان. وندا بولاشاق پارلامەنتتىڭ باسقا بيلىك ينستيتۋتتارىمەن ءوزارا ءىس-قيمىلىنا جانە ءبىر پالاتالى پارلامەنتتىڭ اتاۋىنا قاتىستى ۇسىنىستار تالقىلانعان.

12 قاڭتاردا مەملەكەت باسشىسى پارلامەنتتىك رەفورما بويىنشا كەزەكتى جۇمىس كەڭەسىن وتكىزگەن. پرەزيدەنت كونستيتۋتسيالىق رەفورماعا قاتىستى تۇپكىلىكتى شەشىمدى ەلىمىزدىڭ ازاماتتارى جالپىحالىقتىق رەفەرەندۋمدا قابىلدايدى دەپ ناقتى ايتقان.

15 قاڭتاردا جۇمىس توبىنىڭ بەسىنشى وتىرىسى ۇيىمداستىرىلدى. وندا جاڭا پارلامەنتتىڭ نەگىزگى مەملەكەتتىك ينستيتۋتتاردىڭ قىزمەتىن قامتاماسىز ەتۋدەگى قۇزىرەتى تالقىلاندى.

«19 قاڭتاردا, ياعني, وسى اپتانىڭ باسىندا جۇمىس توبىنىڭ التىنشى, قورىتىندى وتىرىسى ءوتتى. وعان مەملەكەت باسشىسى ءوزى قاتىستى. جۇمىس توبىنىڭ مۇشەلەرى مەملەكەت باسشىسىنا اتقارىلعان جۇمىستار تۋرالى بايانداپ, ورتاق ۇستانىمداردى تانىستىردى. پرەزيدەنت بۇل ۇستانىمدارعا قولداۋ ءبىلدىرىپ, كوپ ۇزاماي قوسىمشا ءوز ويلارىن دا ورتاعا سالاتىنىن ايتتى», دەدى ەرلان قارين.

مەملەكەتتىك كەڭەسشى جۇمىس توبى جارتى جىل بويى بەلسەندى جۇمىس ىستەپ, پارلامەنتتىك رەفورماعا قاتىستى ماسەلەلەردى 6 وتىرىستا جان-جاقتى تالقىلانعانىن ايتا كەلە, جۇمىس توبىنىڭ بارلىق مۇشەلەرىنە بەلسەندى قىزمەتتەرى ءۇشىن ريزاشىلىعىن ءبىلدىردى.

ەرلان قارين: كونستيتۋتسيالىق كوميسسيانىڭ قۇرىلۋى تاريحي وقيعا