فوتو: Astana Hub
وتىنىمدەر 2026 جىلدىڭ 6 اقپانىنا دەيىن قابىلدانادى.
ء«بىز يدەيانى عانا ەمەس, ناقتى ناتيجەنى دە باعالايمىز. ستارتاپتىڭ جاي عانا تابىس تاۋىپ, دامۋى ءبىز ءۇشىن ماڭىزدى. ءبىز ءونىمنىڭ ومىرشەڭدىگىن جىلدام تەكسەرە الاتىن قۇرالداردى ۇسىنامىز. CYBERPACK.AI كومانداسىنىڭ ناتيجەسى سونىڭ ايقىن دالەلى. ينكۋباتسيا كەزەڭىندە ولار 10 ەسە ءوسىپ, ازەربايجان نارىعىنا شىقتى. ءبىز ونىممەن بەلسەندى جۇمىس ىستەيتىن كوماندالاردى كۇتەمىز», دەپ اتاپ ءوتتى Astana Hub بيزنەس-باعدارلامالار ءوفيسىنىڭ ديرەكتورى اشىمبەك ابىلعازينوۆ.
وقۋ باعدارلاماسىنا اپتا سايىنعى ۆوركشوپتار, IT-نارىق كوشباسشىلارىنان دارىستەر, ترەكەرلەرمەن جەكە كونسۋلتاتسيالار كىرەدى.
قاتىسۋشىلار Lean Startup, HADI جانە SMART ادىستەمەلەرىن مەڭگەرىپ, نارىقتى تەرەڭ تالداۋدى, NoCode-قۇرالدارىن قولدانۋدى جانە ءىرى شىعىنسىز ساتىلىم جۇيەسىن قۇرۋدى ۇيرەنەدى.
باعدارلاما سوڭىندا Demo Day وتەدى, وندا ۇزدىك جوبالار ءوز شەشىمدەرىن شاقىرىلعان ينۆەستورلارعا ۇسىنادى.
قازاقستان پرەزيدەنتى مەن يوردانيا كورولى Astana Hub كلاستەرىنە باردى
مۇنداي ءتاسىلدىڭ تيىمدىلىگى 2025 جىلدىڭ قورىتىندىلارىمەن دالەلدەندى. 302 قاتىسۋشىنىڭ 77 جوباسى فينالعا ءوتتى. باعدارلاما اياسىندا جالپى 130,9 ملن تەڭگەگە ساتىلىم جاسالدى, 300 مىڭ اقش دوللارى كولەمىندە ينۆەستيتسيا تارتىلدى, 46 جاڭا جۇمىس ورنى قۇرىلدى.
قاتىسۋشىلارعا قويىلاتىن تالاپتار:
- Startup Academy-ءدىڭ سەرتيفيكاتى بولۋى كەرەك;
- 18 جاستان اسقان, جسن جانە ەتسق مىندەتتى;
- جوبادا IT-قۇرامداس بولىكتىڭ بولۋى ماڭىزدى;
- جوبا MCI نەمەسە MVP ساتىسىندا بولۋى ءتيىس.
ايتا كەتەيىك, 2026 جىلى «Astana Hub» ستارتاپتاردى قولداۋعا, ينۆەستيتسيا تارتۋعا جانە ءىت سالاسىنداعى تالانتتاردى دايارلاۋعا باعىتتالعان وزگە دە ماڭىزدى باعدارلامالارىن جالعاستىرا بەرەدى.
