فوتو: اشىق دەرەككوز
وتباسىلىق تاربيەلەۋ فورمالارىنا كوشۋگە بايلانىستى قورعانشىلىق جانە قامقورشىلىق ورگاندارىنداعى ماماندار سانى 3,3 ەسەگە ۇلعايىپ, 303 قىزمەتكەردەن 1028 مامانعا دەيىن ارتتى. بۇل ماماندار ءاربىر وتباسىنا جەكە كومەك كورسەتىپ, بالالاردىڭ ءومىر ءسۇرۋ جانە تاربيەلەنۋ جاعدايلارىن جان-جاقتى زەردەلەپ وتىرادى.
بازاداعى قاتەلىك: اباي وبلىسىندا جەتىم بالانى باسپاناسىز قالدىردى
2025 جىلدان باستاپ قامقورشىلارعا جىل سايىن كەشەندى تەكسەرۋدەن ءوتۋ مىندەتتەلدى. ولار تابىس كوزدەرىن راستاپ, دەنساۋلىق جانە تۇرعىن ءۇي جاعدايىنىڭ سايكەستىگىن جانە سوتتىلىعىنىڭ جوقتىعىن دالەلدەيدى. ەگەر زاڭدى وكىل بۇرىن سوتتالعان بولسا نەمەسە پسيحونەۆرولوگيالىق, ناركولوگيالىق ديسپانسەردىڭ ەسەبىندە تۇرعان بولسا قامقورشىلىق مىندەتىنەن دەرەۋ شەتتەتىلەدى.
قاراعاندىدا 82 جەتىم بالا مەن جۇزدەگەن مۇقتاج جانعا پاتەر بەرىلدى
بالالاردى قولداۋدىڭ بالامالى تەتىگى رەتىندە تالىمگەرلىك ينستيتۋتى دا جۇيەلى تۇردە دامىپ كەلەدى. بۇگىندە ەلىمىزدىڭ 20 وڭىرىندە 360-تان استام تالىمگەر بار. وتكەن جىلى تالىمگەرلەر ءۇشىن مىندەتتى كاسىبي سەرتيفيكاتتاۋ ەنگىزىلدى. بالا ەڭ الدىمەن جاقىن تۋىستارىنا ورنالاستىرىلادى.
ەلىمىزدە جەتىم جانە اتا-اناسىنىڭ قامقورلىعىنسىز قالعان 20 798 بالا بار, ولاردىڭ 82%-ى وتباسىلاردا تاربيەلەنىپ جاتىر.
