فوتو: gov.kz
اتاپ ايتقاندا, كوللەدجدى قۇرۋدىڭ ۇيىمداستىرۋشىلىق-قۇقىقتىق مودەلىن ازىرلەۋ, سۋ شارۋاشىلىعى سالاسىنىڭ قاجەتتىلىكتەرىن ەسكەرە وتىرىپ, باسىم باعىتتاعى ماماندىقتار بويىنشا ءبىلىم بەرۋ باعدارلامالارىن دايىنداۋ جانە كەلىسۋ كوزدەلگەن.
سونداي-اق سۋ شارۋاشىلىعى وبەكتىلەرىندە وندىرىستىك تاجىريبەدەن ءوتىپ, دۋالدى وقىتۋدى ەنگىزۋ جانە وقۋ جوسپارلارىن, زەرتحانالىق بازانى جانە بىلىكتىلىكتى ارتتىرۋ باعدارلامالارىن ازىرلەۋگە قىتايلىق سەرىكتەستەردى تارتۋ جوسپارلانعان. بۇدان بولەك, ءبىلىم الۋشىلاردىڭ اكادەميالىق ۇتقىرلىعىن ۇيىمداستىرۋ, ونىڭ ىشىندە قىسقامەرزىمدى تاعىلىمدامالار مەن وقۋ مودۋلدەرىن وتكىزۋ, تۇلەكتەردىڭ بىلىكتىلىگىن تانۋ جانە ولاردى سۋ شارۋاشىلىعى سالاسىنداعى ۇيىمدارعا ودان ءارى جۇمىسقا ورنالاستىرۋ ماسەلەلەرىن پىسىقتاۋ قاراستىرىلعان.
الماتى وبلىسىنىڭ كوللەدجدەرى قىتاي, ەۋروپا جانە ازيا ەلدەرىمەن ىنتىماقتاستىق ورناتتى
«بۇل جوبانى ىسكە اسىرۋ قىتاي تاراپىنىڭ قاراجاتى ەسەبىنەن جۇزەگە اسىرىلادى. كوللەدج بىلىكتى جۇمىسشى كادرلار مەن ورتا بۋىن ماماندارىن دايارلاۋعا مۇمكىندىك بەرەدى. سونىمەن قاتار قىتايلىق سەرىكتەستەرمەن بىرلەسىپ, قازىر جۇمىس ىستەپ جۇرگەن مامانداردىڭ بىلىكتىلىگىن ارتتىرۋ جۇمىستارى دا قولعا الىنعان. بيىل Power China كومپانياسىنىڭ ەسەبىنەن قىتايعا وقۋعا 200 ادام جىبەرىلەدى. بىلتىر كورشى ەلدە سۋ شارۋاشىلىعى سالاسىنداعى 125 مامانىمىز ءبىلىمىن جەتىلدىرگەن», دەدى سۋ رەسۋرستارى جانە يرريگاتسيا مينيسترلىگىنىڭ عىلىم جانە يننوۆاتسيالىق تەحنولوگيالار دەپارتامەنتىنىڭ ديرەكتورى ءلاززات ءجۇسىپوۆا.ايتا كەتەيىك, قىتاي حالىق رەسپۋبليكاسى ەل ازاماتتارى ءۇشىن 73 ءبىلىم گرانتى بولىنگەنىن دە حابارلادى. ءبىلىم گرانتىنىڭ يەگەرلەرى تەگىن جاتاقحانا جانە شاكىرتاقىمەن قامتىلادى.
