سۋرەت: inbusiness.kz
قۇجات كولەڭكەگە ىعىسۋ قاۋپى جوعارى دەنساۋلىق ساقتاۋ مەن الەۋمەتتىك قىزمەتتەر, ساۋدا, ءبىلىم بەرۋ, قۇرىلىس پەن اۋىل شارۋاشىلىعى سياقتى بەس نەگىزگى سالانى قامتيدى. بۇل رەتتە جوسپاردى ازىرلەۋ كەزىندە بيزنەس ءۇشىن جاڭا مىندەتتەر ەنگىزۋ نەمەسە رەتتەۋدى قاتاڭداتۋ شارالارى الىنىپ تاستالدى.
بولجامدى كورسەتكىشتەرگە سايكەس, ء«ىجو-دەگى باقىلانبايتىن ەكونوميكانىڭ ۇلەسى» نىسانالى ينديكاتورىن بيىل 14,5%-عا, كەلەسى جىلى 14%-عا, 2028 جىلى 13,8%-عا تومەندەتۋ جوسپارلانىپ جاتىر. كەشەندى جوسپار ءتورت نەگىزگى بلوكتان جانە 30 ءىس-شارادان تۇرادى. ولار – تاۋار ءوندىرىسى, قىزمەتتەر ءوندىرىسى, فيسكالدىق اكىمشىلەندىرۋدى جەتىلدىرۋ مەن زاڭسىز ارەكەتكە قارسى تۇرۋ.
ساۋدا سالاسىنداعى «سۇر» يمپورت كولەمىن ازايتۋعا ەرەكشە نازار اۋدارىلىپ وتىر. ويتكەنى ودان نارىققا ادال جولمەن قاتىساتىندار زارداپ شەگىپ ءجۇر. ساۋدا جانە ينتەگراتسيا مينيسترلىگىنە بيزنەس-قوعامداستىقپەن بىرلەسىپ, تەرىس جولمەن اكەلىنەتىن تاۋارلار نومەنكلاتۋراسىن ايقىنداۋ, مەملەكەتتىك كىرىستەر كوميتەتىمەن بىرلەسىپ, وركەنيەتتى نارىقتى قورعاۋ شارالارىن ازىرلەۋ تاپسىرىلدى.
جوسپاردى جۇزەگە اسىرۋدا تسيفرلىق شەشىمدەر مەن جاساندى ينتەللەكت قۇرالدارى ماڭىزدى رولگە يە بولادى. ءىس-شارالاردىڭ ورىندالۋىن باقىلاۋ مەن مونيتورينگ جاساۋ Smart Data Finance اج-نىڭ تسيفرلىق پلاتفورماسى ارقىلى جۇزەگە اسىرىلۋى مۇمكىن. بارلىق ءىس-شارالاردى جۇزەگە اسىرۋ ءتيىستى سالالارداعى سالىق ءتۇسىمىنىڭ ءوسۋىن قوسقاندا, تسيفرلاندىرۋعا, جي مودەلدەرگە, ولشەنەتىن KPI-عا باسا نازار اۋدارا وتىرىپ, بىرلەسكەن جول كارتالارى مەن جۇمىس توپتارى شەڭبەرىندە جۇرگىزىلەدى.
كەشەندى جوسپاردىڭ جوباسى ماقۇلداندى. بەلگىلەنگەن راسىمدەر جاسالعاننان كەيىن ۇكىمەت ونى ودان ارى جۇزەگە اسىرۋ ءۇشىن قابىلدايدى.
