ابايدىڭ «تولىق ادام» ءىلىمى مەن قازىرگى «ادال ازامات» تۇجىرىمداماسىنىڭ ءوزارا ساباقتاستىعى جاس ۇرپاق تاربيەسىندە تەمىرقازىق بولۋى ءتيىس قۇندىلىقتار. اباي, ءال-فارابي, قوجا احمەت ياساۋي سىندى ۇلى ويشىلداردىڭ مۇراسى – حالقىمىزدىڭ رۋحاني-فيلوسوفيالىق نەگىزى. بۇل ىلىمدەردى تەك مەرەيتويلار قارساڭىندا عانا ەمەس, كۇندەلىكتى ءبىلىم جانە عىلىم سالاسىندا تاربيە جۇمىستارىنىڭ وزەگىنە اينالدىرۋ – ءبىزدىڭ ورتاق مىندەتىمىز. وسى ورايدا وڭتۇستىك قازاقستان مەديتسينا اكادەمياسىندا اباي ءىلىمىن, ۇلتتىق قۇندىلىقتاردى ءبىلىم الۋشىلار اراسىندا كەڭىنەن ناسيحاتتاۋعا باعىتتالعان عىلىمي-تانىمدىق كەزدەسۋلەر, تاربيەلىك ءىس-شارالار تۇراقتى تۇردە تۇراقتى تۇردە وتكىزىلىپ كەلە جاتقانىن ايتا كەتكىم كەلەدى.
سونىمەن قاتار, مەملەكەت باسشىسىنىڭ مەملەكەتتىك رامىزدەرگە دەگەن قۇرمەت پەن جاۋاپكەرشىلىك تۋرالى ايتقان ويلارى دا ەرەكشە ماڭىزعا يە. كوك تۋ – تاۋەلسىزدىگىمىزدىڭ, بىرلىگىمىزدىڭ, ەلدىك رۋحىمىزدىڭ ايقىن بەلگىسى. پرەزيدەنت اتاپ وتكەندەي, مەملەكەتتىك رامىزدەردى قادىرلەۋ – فورمالدى تالاپ ەمەس, بۇل ءار ازاماتتىڭ ىشكى مادەنيەتى مەن وتانشىلدىق سەزىمىنىڭ كورىنىسى. ءبىز بۇل ۇستانىممەن تولىق كەلىسەمىز. اكادەميامىزدىڭ ءبىلىم الۋشىلارى بۇگىندە شەتەلدەردە ءبىلىمىن جەتىلدىرىپ قانا قويماي, حالىقارالىق وليمپيادالار مەن بايقاۋلاردا, عىلىمي سايىستاردا قازاقستاننىڭ كوك تۋىن جەلبىرەتىپ, ەل ابىرويىن اسقاقتاتىپ ءجۇر. بۇل – ءبىز ءۇشىن ۇلكەن ماقتانىش.
پرەزيدەنتتىڭ تسيفرلاندىرۋ, جاساندى ينتەللەكت جانە ادام كاپيتالى تۋرالى ايتقان ويلارى دا قازىرگى زاماننىڭ ناقتى تالاپتارىنا جاۋاپ بەرەدى. ءبىز وتە كۇردەلى, بىراق مۇمكىندىگى مول كەزەڭگە قادام باستىق. ءبىلىم مەن عىلىمعا, جوعارى تەحنولوگيالارعا سالىنعان ينۆەستيتسيا – ەلدىڭ ەرتەڭىنە سالىنعان ينۆەستيتسيا. اسىرەسە, مەديتسينا سالاسىندا تسيفرلىق تەحنولوگيالار مەن جاساندى ينتەللەكتتى ءتيىمدى پايدالانۋ بولاشاق دارىگەرلەردىڭ كاسىبي باسەكەگە قابىلەتتىلىگىن ارتتىراتىنى انىق.
پرەزيدەنت ايتقانداي, بۇگىنگى باستى مىندەت – جالعان جەتىستىكتەر مەن فورمالدى كورسەتكىشتەرگە ەمەس, ناقتى ناتيجە مەن ساپالى وزگەرىستەرگە ۇمتىلۋ. وڭتۇستىك قازاقستان مەديتسينا اكادەمياسى وسى باعىتتى بەرىك ۇستانىپ, ەل بولاشاعى ءۇشىن جاۋاپكەرشىلىگى جوعارى, كاسىبي بىلىكتى, رۋحاني كەمەل, وتانشىل مامانداردى دايارلاۋدى باستى ماقسات سانايدى. مەملەكەت باسشىسىنىڭ بۇل باستامالارى مەن وي-تۇجىرىمدارى ءبىز ءۇشىن ناقتى ارەكەتكە باستايتىن ماڭىزدى باعدار.
جاننا سەيىتجانوۆا,
وڭتۇستىك قازاقستان مەديتسينا اكادەمياسىنىڭ رەكتورى.
