ەركەبۇلان قويشىباەۆتىڭ ايتۋىنشا, جالعان سايت پەن ينتەرنەت-دۇكەن اشىپ, «جۇمىس» نەمەسە «ينۆەستيتسيا» دەگەن جەلەۋمەن ازاماتتاردى الدايتىندار كوبەيگەن. اسىرەسە, اقشا تابۋعا ۇندەپ, بانك پەن قاۋىپسىزدىك قىزمەتىنىڭ وكىلى بولىپ قوڭىراۋ شالاتىندار كوپ كەزدەسەدى.
مۇنداي قىلمىستارعا قارسى ءىس-قيمىل جاساۋ ءۇشىن «كيبەرنادزور» اقپاراتتىق جۇيەسى قولدانىلادى. ونىڭ كومەگىمەن زياندى كونتەنتى بار رەسۋرستاردى قوسا العاندا, 17,6 مىڭنان استام سايت پەن سىلتەمە بۇعاتتالىپتى.
تەگىن كىتاپتار قاۋىپتى: باس پروكۋراتۋرا ينتەرنەت-الاياقتىقتىڭ جاڭا ءتۇرى تۋرالى ەسكەرتتى
مۇنداي جايتتاردىڭ جولىن كەسۋ ءۇشىن بىرقاتار شارا قولعا الىنعان.
بانكوماتتاردىڭ ماڭىنا پوليتسيا قىزمەتكەرلەرىنىڭ 355 ماكەتى قويىلىپ, 470 باننەر ورناتىلعان. 1 400-دەن استام بەينەروليك ازىرلەنىپ, 3 400-دەن استام ءدارىس وتكىزىلگەن.
«ينتەرنەت-الاياقتىقپەن كۇرەسۋ پوليتسيانىڭ عانا جۇمىسى ەمەس, ونىمەن ءار ادام كۇرەسۋى كەرەك, ساقتانۋى كەرەك. كودتى, ءپارولدى, كارتاداعى دەرەكتى ەشكىمگە ايتپاڭىز, كۇماندى سىلتەمەلەرگە جولاماڭىز. كۇمان تۋسا بىردەن پوليتسياعا, بانككە جۇگىنگەن ءجون», دەپ ەسكەرتتى ەركەبۇلان قويشىباەۆ.
سپيكەر سونداي-اق قالالىق اكىمدىك, قوعامدىق ۇيىمدار, بانكتەر مەن ءبىلىم بەرەتىن مەكەمەلەرمەن بىرلەسىپ, قازىر بارلىق جاستاعىلاردى قامتيتىن اۋقىمدى الدىن الۋ جۇمىسى دا قولعا الىنعانىن اتاپ ءوتتى.
