قازىرگى ۋاقىتتا بەينەۋ اۋداندىق اۋرۋحاناسىندا ءتۇرلى جاراقات العان 7 ناۋقاس ەم قابىلداپ جاتىر. دارىگەرلەردىڭ مالىمەتىنشە, ولاردىڭ بارلىعىنىڭ جاعدايى تۇراقتى. زارداپ شەككەندەرگە قاجەتتى مەديتسينالىق كومەك تولىق كولەمدە كورسەتىلىپ جاتىر. وبلىس اكىمى ناۋقاستاردىڭ حال-جاعدايىن سۇراپ, مەديتسينالىق كومەكتىڭ ساپالى ءارى ۋاقتىلى كورسەتىلۋىن قامتاماسىز ەتۋ جونىندە ناقتى تاپسىرمالار بەردى.
ساپار بارىسىندا نۇرداۋلەت قيلىباي جول-كولىك وقيعاسى سالدارىنان قازا تاپقان ازاماتتاردىڭ وتباسىلارىنا ارنايى بارىپ, قايعىرىپ كوڭىل ايتتى.
ايتا كەتەيىك, 16 قاڭتاردا رەسپۋبليكالىق ماڭىزى بار اقتاۋ – بەينەۋ اۆتوجولىندا جول-كولىك وقيعاسى بولىپ, سالدارىنان ادام شىعىنى تىركەلىپ, بىرقاتار ازامات ءتۇرلى دەڭگەيدەگى جاراقاتتار الدى.
وبلىس اكىمىنىڭ تاپسىرماسىنا سايكەس مەديتسينالىق كومەكتى كۇشەيتۋ ماقساتىندا اۋدانعا سانيتاريالىق اۆياتسيا جەلىسى ارقىلى بىلىكتى پروفيلدىك جوعارى ساناتتى ماماندار توبى جىبەرىلدى. جەرگىلىكتى اتقارۋشى ورگاندار جانىنان جەدەل شتاب قۇرىلدى.
