ايتا كەتەيىك, ەرلان جەتىباەۆ 1984 جىلى 15 جەلتوقساندا قاراعاندى قالاسىندا دۇنيەگە كەلگەن. 2006 جىلى ل.ن. گۋميليوۆ اتىنداعى ەۋرازيا ۇلتتىق ۋنيۆەرسيتەتىن بىتىرگەن.
ەڭبەك جولىن 2006 جىلى قازاقستان رەسپۋبليكاسى سىرتقى ىستەر مينيسترلىگىنىڭ كونسۋلدىق قىزمەت دەپارتامەنتىندە مامان رەتىندە باستاعان.
2009 جىلى قارجى مينيسترلىگىنىڭ مەملەكەتتىك اكتيۆتەردى باسقارۋ مەتودولوگياسى, ىشكى قارجىلىق باقىلاۋ جانە بيۋدجەتتىك نەسيەلەندىرۋ دەپارتامەنتىنىڭ ساراپشىسى بولىپ جۇمىس ىستەدى. 2009-2011 جىلدارى ءسىم اكىمشىلىك جانە باقىلاۋ دەپارتامەنتىندە ءۇشىنشى حاتشى قىزمەتىن اتقاردى. 2011-2017 جىلدارى قازاقستاننىڭ تايلاندتاعى ەلشىلىگىندە ەكىنشى, ءبىرىنشى حاتشى لاۋازىمدارىندا ەڭبەك ەتتى.
2017 جىلى ءسىم ەكسپو-2017 حاتشىلىعىنىڭ ءبىرىنشى حاتشىسى, كەيىن ءسىم ازيا جانە افريكا دەپارتامەنتىنىڭ ءبىرىنشى حاتشىسى قىزمەتىندە جۇمىس ىستەدى. 2018-2020 جىلدارى «حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعى» كەاق قامتاماسىز ەتۋ قىزمەتى حاتشىلىعىنىڭ باسشىسى, حالىقارالىق ىنتىماقتاستىق جانە كليماتتىق ينۆەستيتسيالار دەپارتامەنتىنىڭ ديرەكتورى قىزمەتتەرىن اتقاردى.
سىرتقى ىستەر مينيسترلىگى قارا تەڭىزدە بولعان وقيعاعا قاتىستى مالىمدەمە جاسادى
2020-2023 جىلدارى ءسىم ءباسپاسوز قىزمەتىندە كەڭەسشى جانە باسشى, 2023-2025 جىلدار ارالىعىندا ءسىم كوممۋنيكاتسيالار دەپارتامەنتى ديرەكتورىنىڭ ورىنباسارى بولدى.
ءسىم حالىقارالىق اقپارات كوميتەتىنىڭ توراعاسى – رەسمي وكىلى بولىپ تاعايىندالعانعا دەيىن 2025 جىلعى ناۋرىز ايىنان باستاپ ءسىم كوممۋنيكاتسيالار دەپارتامەنتىنىڭ ديرەكتورى قىزمەتىن اتقاردى.
سىرتقى ىستەر مينيسترلىگى اۆراام كەلىسىمدەرىنە قوسىلۋعا قاتىستى مالىمدەمە جاسادى
II سىنىپتى كەڭەسشى ديپلوماتيالىق دارەجەگە يە. اعىلشىن جانە تۇرىك تىلدەرىن مەڭگەرگەن.
ەسكە سالايىق, بۇعان دەيىن بۇل قىزمەتتى ايبەك سمادياروۆ اتقاردى. ول 2025 جىلى 9 جەلتوقساندا قىزمەتىنەن كەتكەن ەدى.
