جۇمىسپەن قامتۋدا ىلكىمدىلىك بار

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, 2025 جىلى سۋبسيديالاناتىن جۇمىس ورىندارىنا 171,8 مىڭ ادام ورنالاسقان. الەۋمەتتىك جۇمىس ورىندارىندا 13,5 مىڭ, جاستار پراكتيكاسىندا 30,6 مىڭ, قوعامدىق جۇمىستاردا 100,8 مىڭ, «كۇمىس جاس» جوباسى اياسىندا 19,4 مىڭ, «العاشقى جۇمىس ورنى» جوباسىمەن 7,1 مىڭ, «ۇرپاقتار كەلىسىمشارتى» جوباسى شەڭبەرىندە 335 ادام جۇمىسپەن قامتىلدى.

ازاماتتاردىڭ ءال-اۋقاتىن نىعايتۋ ماقساتىمەن, جاڭا بيزنەس-باستامالاردى جۇزەگە اسىرۋ ءۇشىن حالىقتىڭ الەۋمەتتىك وسال ساناتىنا جاتاتىن كاسىپ اشۋشىلارعا 400 اەك-كە دەيىن (1 572 800 تەڭگە) 9 239 گرانت بەرىلدى. ەڭبەك نارىعىنداعى سۇرانىسقا يە داعدىلاردى ونلاين وقىتۋمەن 63,5 مىڭ جۇمىسسىز قامتىلسا, ونىڭ 56,6 مىڭى وقۋدى اياقتاپ, سەرتيفيكات الدى. «باستاۋ بيزنەس» جوباسى اياسىندا كاسىپكەرلىك نەگىزدەرىنە وقىتۋمەن 52 مىڭ ادام قامتىلدى, ونىڭ ىشىندە 29,3 مىڭ ادام كاسىپكەرلىككە ­باۋليتىن كۋرستى اياقتادى.

جۇمىس بەرۋشىلەردىڭ وتىنىشىمەن كاسىپتىك وقىتۋعا 9 734 ادام جىبەرىلىپ, وقۋىن اياقتاعان 8 535 ادامنىڭ 7 442-ءى جۇمىسقا ورنالاستى. سونداي-اق قىزمەت سالاسىن تاڭداۋ ماقساتىندا 387 مىڭ ادام الەۋمەتتىك كاسىپتىك باعدارلاۋدان ءوتىپ, كەڭەس بەرۋ قىزمەتتەرىنە جۇگىنگەن.

وسىلايشا, بىلتىر 912,8 مىڭ ادام جۇمىسقا ورنالاستىرىلدى, ونىڭ ىشىندە: حالىقتى جۇمىسپەن قامتۋعا جاردەمدەسۋدىڭ بەلسەندى شارالارى شەڭبەرىندە 181 مىڭ, ەلەكتروندىق ەڭبەك بيرجاسىندا جۇمىس بەرۋشىلەر ورنالاستىرعان بوس جۇمىس ورىندارىنا 254,1 مىڭ, مەملەكەت باسشىسىنىڭ «10 مىڭ تۇرعىنعا 100 جۇمىس ورنى» باستاماسى شەڭبەرىندە 434 مىڭ, ورتالىق مەملەكەتتىك ورگاندار ىسكە اسىراتىن جوبالارمەن 43,7 مىڭ ادام جۇمىسپەن قامتىلدى.