فوتو: اشىق دەرەككوز
ونىڭ ايتۋىنشا, بۇل ۇسىنىس شوپانداردىڭ بالالارىن اسكەرگە مۇلدە شاقىرماۋ كەرەك دەگەندى بىلدىرمەيدى.
«بۇل تەك اسكەرگە شاقىرۋ مەرزىمىن كەيىنگە قالدىرۋ تۋرالى ماسەلە. كەيبىر وتباسىلار مال شارۋاشىلىعىمەن اۋلەتىمەن اينالىسادى. قاربالاس كەزەڭدە شارۋاشىلىققا بالالارىنىڭ كومەگى قاجەت. سوندىقتان سالانىڭ دامۋىن ەسكەرە وتىرىپ, شاقىرۋ مەرزىمىن شەگەرۋ ۇسىنىلىپ وتىر. بۇل ماسەلە قورعانىس مينيسترلىگىمەن بىرلەسىپ جان-جاقتى قارالادى», دەدى ۆيتسە-مينيستر.
قازاقستاندا اسكەري ەسەپكە الۋ ەرەجەلەرىنە وزگەرىستەر ەنگىزىلدى
سونىمەن قاتار, كەشەندى جوسپار جوباسىندا سالانى كادرلارمەن قامتاماسىز ەتۋ, مال شارۋاشىلىعى قىزمەتكەرلەرى ءۇشىن الەۋمەتتىك قولداۋ شارالارىن كۇشەيتۋ, ونىڭ ىشىندە شوپاندار مەن قويشىلارعا 55 جاستان كەيىن ارنايى الەۋمەتتىك تولەمدەر بەرۋ, ماماندارعا تۇرعىن ءۇي سالۋ جانە باسقا دا باستامالار قاراستىرىلعان.
ايتا كەتەيىك, ۇكىمەت جۋىردا مال شارۋاشىلىعىن دامىتۋدىڭ 2026–2030 جىلدارعا ارنالعان كەشەندى جوسپارىنىڭ جوباسىن ماقۇلداعان بولاتىن.
ەت ەكسپورتى ەكى ەسە وسەدى: ۇكىمەت مال شارۋاشىلىعىنا ارنالعان ءىرى جوسپاردى بەكىتتى
قۇجاتتا ءىرى قارا مال باسىن 7,9 ملن-نان 12 ملن-عا دەيىن, ال ۇساق مال سانىن 20,2 ملن-نان 28 ملن-عا دەيىن ارتتىرۋ كوزدەلگەن.
