فوتو: Almaty.tv
ءماجىلىس 2003 جىلعى 25 جەلتوقسانداعى قازاقستان مەن قىرعىزستان ۇكىمەتتەرى اراسىنداعى مەملەكەتتىك شەكارا ارقىلى وتكىزۋ پۋنكتتەرى تۋرالى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالادى.
«قۇجاتقا 2024 جىلعى 19 ساۋىردە استانادا قول قويىلعان. تۇزەتۋ «كەگەن-اۆتوجولدىق» (قازاقستان رەسپۋبليكاسى) – «قارقارا-اۆتوجولدىق» (قىرعىز رەسپۋبليكاسى) وتكىزۋ پۋنكتىنىڭ جۇمىس رەجيمىن «تاۋلىكتىڭ جارىق ۋاقىتىنان» «تاۋلىك بويىنا» وزگەرتۋدى كوزدەيدى», دەلىنگەن قازاقستان پارلامەنتى تومەنگى پالاتاسىنىڭ ءباسپاسوز قىزمەتى تاراتقان حابارلامادا.
«كەگەن-اۆتوجولدىق» وتكىزۋ پۋنكتىن تاۋلىك بويى جۇمىس رەجيمىنە كوشىرۋ قازاقستان مەن قىرعىزستاننىڭ شەكارالىق ىنتىماقتاستىعىن ودان ءارى دامىتۋعا, تاۋار اينالىمىن ارتتىرۋعا, تۋريزم سالاسىنداعى ىنتىماقتاستىقتى كەڭەيتۋگە سەپتىگىن تيگىزەدى.
«قىرعىزستانمەن شەكارادا 12 وتكىزۋ بەكەتى بار, ونىڭ سەگىزى كوپجاقتى («كەگەن», «قاراسۋ», «قورداي», «سىپاتاي باتىر», «ايشا-ءبيبى», «سارتوبە», «اۋحاتتى», «چالدوۆار») جانە تورتەۋى ەكىجاقتى (اقسۋ, بەساعاش, الاتاۋ, جايىل). قىرعىز رەسپۋبليكاسىمەن شەكارا حالىقارالىق قۇقىققا سايكەس تولىعىمەن بەكىتىلگەن», دەلىنگەن حابارلامادا.
