«2026 جىلى وبلىس تۇرعىندارى ءۇشىن 261 كۆوتا ءبولىندى. ال وتكەن جىلى بەرىلگەن 203 كۆوتا تولىقتاي يگەرىلدى», دەيدى وبلىستىق اۋرۋحاناعا قاراستى «ايەلدەرگە كەڭەس» ءبولىمىنىڭ مامانى اسەل فايزۋللينا.
قازىر ەكستراكورپورالدى ۇرىقتاندىرۋ ۇدەرىستەرىنىڭ 20%-ى عانا وڭ ناتيجە بەرگەن. الايدا ناقتى ناتيجەنىڭ جىل ورتاسىنا قاراي بەلگىلى بولاتىنىن ايتقان ماماندار جاساندى جولمەن ءسابيلى بولعىسى كەلەتىندەردىڭ شامامەن 40%-ى پەرزەنت ءسۇيۋى مۇمكىن دەپ بولجاپ وتىر.
اتىراۋدا «اڭساعان ءسابي» باعدارلاماسىمەن 467 ايەل ءسابي ءسۇيدى
«قازىر كەزەكتە تۇرعاندار سانى ءبىرشاما ازايىپ قالدى. بىلتىر كەزەككە 400-گە جۋىق ادام تىركەلگەن ەدى. بيىل كەزەكتە تۇرعانداردىڭ سانى – 300-ءدىڭ شاماسىندا عانا. اتالعان باعدارلاماعا قاتىسقان كوپتەگەن ايەلدەر بۇگىندە انا اتانىپ, بالا تاربيەلەپ وتىر», دەيدى ءا.فايزۋللينا.
ماماننىڭ ايتۋىنشا, 2021–2025 جىلدار ارالىعىندا وڭىرگە 1 184 كۆوتا بولىنگەن. ناتيجەسىندە 391 ايەل نارەستەلى بولعان.
