مىسالى, جاتىر موينى وبىرىنا شالدىققانداردىڭ 97%-ىنا جوعارى ونكوگەندىك قاۋىپ توبىنا جاتاتىن ادام پاپيللوماسى ۆيرۋسى (اپۆ) سەبەپشى بولىپ وتىر.
وبىردىڭ بۇل ءتۇرى استاپقىدا بىلىنبەۋى مۇمكىن, سوندىقتان پاپ-تەست پەن اپۆ-عا تەستىلەۋدەن ۇنەمى ءوتىپ تۇرعان ءجون.
«قاتەرلى ىسىكتىڭ مۇنداي ءتۇرى كوبىنەسە بالا كوتەرەتىن جاستاعى ايەلدەردە, اسىرەسە 40-44 جاس ارالىعىنداعىلاردا ءجيى كەزدەسەدى. بىراق بۇل دەرتتىڭ ورشۋىنە جول بەرمەۋگە بولادى. دامىعان ەلدەردە الدىن الۋدى قولعا الىپ, ول وسى اۋرۋدىڭ زاردابىن ەكى ەسەگە تومەندەتۋگە مۇمكىندىك بەرگەن», دەدى رايحان بولاتبەكوۆا.
قازىرگى تاڭدا ەلىمىزدە 30-دان 74 جاسقا دەيىنگى ايەلدەردى جاتىر موينى وبىرىنا سكرينينگتەن وتكىزۋ جونىندەگى ۇلتتىق باعدارلاما جۇمىس ىستەيدى. بۇل باعدارلاما اۋرۋدى ەرتەرەك انىقتاۋعا مۇمكىندىك بەرىپ وتىر.
قازاقستاندا ۆاكتسينا الۋدان باس تارتقاندار سانى 3,8 ەسەگە ءوستى
وعان قوسا ەلىمىزدە ادام پاپيللوماسى ۆيرۋسىنا قارسى ەكپە سالۋ باعدارلاماسى بار. 2024 جىلعى قىركۇيەكتەن باستاپ مەكتەپتەردە اتا-انالاردىڭ كەلىسىمىمەن ءجاسوسپىرىم قىزدارعا ەكى دوزالى ۆاكتسيناتسيا (4 ۆالەنتتى «گارداسيل» ۆاكتسيناسى) سالىنا باستادى. 2025 جىلعى قىركۇيەك پەن جەلتوقسان ايىنىڭ ارالىعىندا الماتىدا 12 مىڭنان استام قىز بالا ەگىلدى. قولدانىلاتىن ۆاكتسينا جاتىر موينى وبىرى مەن باسقا دا ونكولوگيالىق اۋرۋلاردى تۋدىراتىن اپۆ-نىڭ ەڭ قاۋىپتى تۇرىنەن قورعايدى.
«اپۆ-عا قارسى ۆاكتسينا جاتىر موينى وبىرىنا تۇرتكى بولاتىن ۆيرۋستىڭ ەڭ كەڭ تارالعان تيپتەرىنە باعىتتالعان. سونىمەن قاتار ول ۆۋلۆا, قىناپ, انالدى وزەك پەن اۋىز-جۇتقىنشاق ايماعىنىڭ ونكولوگيالىق اۋرۋلارىنىڭ دامۋىنا اكەلۋى مۇمكىن اپۆ تۇرلەرىنەن, سونداي-اق ۇشكىر كونديلومالاردى تۋدىراتىن تۇرلەرىنەن قورعايدى. ۆاكتسيناتسيا اپۆ-مەن بايلانىستى اۋرۋدىڭ الدىن الۋدا ءتيىمدى بولىپ شىقتى. بىراق بۇرىن اپۆ-نىڭ ءبىر نەمەسە بىرنەشە ءتۇرىن جۇقتىرعاندارعا ۆاكتسينا تيىمدىزدەۋ بولۋى دا مۇمكىن», دەيدى دارىگەر.
بۇعان دەيىنگى زەرتتەۋلەر كورسەتكەندەي, ەكپە سالىنعاننان كەيىن 10 جىل بويى ونىڭ يممۋنوگەندىگى تومەندەمەگەن. اپۆ-عا قارسى ۆاكتسينا اقش-تىڭ ازىق-ت ۇلىك پەن ءدارى-دارمەك ساپاسىن باقىلاۋ باسقارماسىنان (FDA) ليتسەنزيا الىپ, دۇنيەجۇزىلىك دەنساۋلىق ساقتاۋ ۇيىمى ونى قاۋىپسىز ءارى ءتيىمدى دەپ ەسەپتەيدى.
ءمامس: 2026 جىلى ساقتاندىرۋ ەسەبىنەن ەمدەلەتىن اۋرۋلار ءتىزىمى كەڭەيتىلدى
بريفينگ سوڭىندا رايحان بولاتبەكوۆا 31 قاڭتار كۇنى الماتى ونكولوگيالىق ورتالىعىندا جاتىر موينى پاتولوگياسىنىڭ الدىن الۋ مەن ەرتە انىقتاۋعا ارنالعان اشىق ەسىك كۇنى وتەتىنىن حابارلادى. بۇل كۇنى ونكوگينەكولوگ مامانداردان كەڭەس الىپ, قاجەتتى تەكسەرىستەن وتۋگە بولادى.
