باس باپكەر قورعاۋشىنىڭ قىركۇيەكتە «ارسەنالعا» قارسى ماتچتا العان جاراقاتىنان كەيىن ءبىر اي بويى ويىننان تىس قالعان كەزەڭىنە دە توقتالدى. ونىڭ ايتۋىنشا, ءدال وسىنداي ساتتەر فۋتبولشىنىڭ مىنەزىن ايقىندايدى.
«ارسەنالمەن ويىننان كەيىن ءبىر اي ءوتتى, ول ءبىر مينۋت تا الاڭعا شىقپادى. ۇزاق اي. سول كەزدە ونىڭ جاتتىعۋدا, كيىم اۋىستىراتىن بولمەدە ءوزىن قالاي ۇستاعانىن ەلەستەتىڭىز. حۋسانوۆتى انىقتايتىن دا وسى. قيىن كەزەڭدە ويىنشىنىڭ كوماندا ءۇشىن قالاي ارەكەت ەتەتىنى ونىڭ بولمىسىن كورسەتەدى», دەدى گۆارديولا.
كاتالوندىق مامان وزبەك فۋتبولشىسىنىڭ جوعارى كاسىبيلىگىن دە اتاپ ءوتتى:
«ول فرانتسيادا بىرنەشە اي ويناپ, بىردەن پرەمەر-ليگاعا, «مانچەستەر سيتيگە» كەلدى. بۇل وڭاي اۋىسىم ەمەس. بىراق ول تىڭدايدى, ۇيرەنەدى, ەڭ باستىسى, ونىڭ قابىلەتى ەرەكشە. سوندىقتان «مانچەستەر سيتيدە» ۇزاق جىلدار وينايتىن جوعارى دەڭگەيلى قورعاۋشى بار», دەپ تۇيىندەدى باپكەر.
اعىلشىن پريمەر ليگاسىنىڭ 22-تۋرى اياسىندا «مانچەستەر يۋنايتەدتەن» 0:2 ەسەبىمەن جەڭىلگەن سوڭعى ويىندا دا حۋسانوۆ كومانداداعى ەڭ سەنىمدى فۋتبولشىلاردىڭ ءبىرى اتاندى. قورعاۋشى قورعانىستا نىق قيمىلداپ, قارسىلاستىڭ بىرنەشە جىلدام شابۋىلىن توقتاتتى, وسىلايشا باپكەرلىك شتابتىڭ سەنىمىن اقتادى.
«رەال» حولاندقا كوز تىگىپ وتىر: كلۋب پرەزيدەنتى «مانچەستەر سيتي» جۇلدىزىن قاتارعا قوسۋدى قالايدى
ابدۋكودير حۋسانوۆ «مانچەستەر سيتيگە» 2025 جىلدىڭ قاڭتارىندا فرانتسۋزدىڭ «لانس» كلۋبىنان 40 ملن ەۋروعا اۋىسىپ, وزبەكستان تاريحىنداعى ەڭ قىمبات فۋتبولشى اتانعان ەدى. قازىرگى ماۋسىمدا 21 جاستاعى قورعاۋشى بارلىق تۋرنيردە 14 ماتچ وتكىزىپ, پەپ گۆارديولانىڭ نەگىزگى قۇرامىنداعى ورنىن بىرتىندەپ نىعايتىپ كەلەدى.
