وسى ورايدا ۇلتتىق قۇرىلتايدىڭ كەزەكتى وتىرىسىنىڭ سىر بويىنداعى قالادا ءوتىپ جاتقانى ورىندى. بۇل جەردە دە ەل ومىرىنە ىقپالى زور ماڭىزدى ماسەلەلەر شەشىمىن تابادى دەپ ۇمىتتەنەمىز. سونىڭ ءبىرى – ۇلت يدەولوگياسىنىڭ التىن دىڭگەگى سانالاتىن اباي ىلىمىنە قاتىستى ماسەلە. وبلىس ورتالىقتارىندا, رەسپۋبليكالىق ماڭىزى بار ءۇش قالادا ابايتانۋ ورتالىقتارى اشىلۋ كەرەك دەگەن ويدامىن. بۇل – كەيىنگى ۇرپاقتى تاربيەلەيتىن بىردەن-ءبىر جول.
بالالار كىتاپحاناسىن قالىپتاستىرۋ دا ۇلكەن مىندەتتىڭ ءبىرى. بۇل ماسەلە مەملەكەت باسشىسىنىڭ نازارىندا تۇر. وسى باعىتتا ءتيىستى مينيسترلىكتەر مەن جەرگىلىكتى اكىمدىك اراسىندا ۇيلەسىمدى جۇمىس كەرەك.
مەرەكە قۇلكەنوۆ,
قازاقستان جازۋشىلار وداعىنىڭ توراعاسى
