استانا. 24 ناۋرىز. ەكى كۇننەن بەرى بىرقاتار شەت ەلدىك حاكەرلەر ت قازاقستان ينتەرنەت-رەسۋرستارىنا جاپپاي شابۋىل جاساپ جاتىر. بۇگىن ءتۇس اۋا وسىنداي شىرعالاڭعا تۇسە باستاعان سايتتار سانى 14-كە جەتتى. بۇل تۋرالى ras.kz حابارلادى.
ينتەرنەت ماماندارى سونىمەن ءبىر مەزگىلدە بۇل شابۋىلعا قوسىلۋشى حاكەرلەر سانىنىڭ دا ارتا باستاعانىن ايتادى. ءبىز بۇدان بۇرىن تۇركيا مەن ازەربايجاننىڭ, سونداي-اق يران مەن برازيليانىڭ ازاماتتارى حاكەرلىك جاساپ جاتقاندارىن مالىمدەگەن ەدىك. كەيىن ولاردىڭ قاتارى البانيا, ساۋد ارابياسى, سيريا جانە ازىرگە اتتارىن انىقتالماعان تاعى بىرنەشە مەملەكەتتىڭ وكىلدەرىمەن تولىققانى بەلگىلى بولدى.
«تۇركيا, ازەربايجان, يران, البانيا, ساۋد ارابياسى, برازيليا, سيريا جانە بىرنەشە مەملەكەتى بەلگىسىز حاكەرلەر قازاقستاندىق سايتتارعا قىرعيداي تيۋدە. قازىر شابۋىلعا تاپ بولعان سايتتاردىڭ سانى 14-كە جەتىپ وتىر», - دەلىنگەن حابارلامادا.
وسى جاعدايدى قازىر «ەگەمەن قازاقستان» گازەتىنىڭ ۆەب-باعدارلاماشىسى وركەن مۇسابەك ۇلى مۇقيات قاداعالاپ وتىر. ول ينتەرنەت-رەسۋرستى شابۋىلدان ساقتاپ قالۋدىڭ بارلىق شارالارى قاراستىرىلىپ جاتقانىن جەتكىزدى.
«حاكەرلەر شابۋىل بارىسىندا سايتتىڭ نەگىزگى بەتىنە عانا وزگەرىستەر جاساعان, سايتتىڭ مالىمەتتەر بازاسىندا ەشقاندا وزگەرىس جوق. وسىعان قاراعاندا, ولار تەك وزدەرىنىڭ مىقتى ەكەنىن كورسەتۋ ماقساتىندا شابۋىلداردى ۇيىمداستىرعان سياقتى. حاكەرلەر نەگىزىنەن wordpress-ءتىڭ PHP ولقىلىقتارى ارقىلى FTP ىشىندەگى .htaccess فايلىنا وزگەرىس جاساپ, FTP باسقارۋ قۇقىعىنا يە بولعان, سوسىن براۋزەر FTP قوسىمشاسى ارقىلى ءوزى قالاعان بەتتەردى سايتتىڭ INDEX.PHP فايلىمەن اۋىستىرۋ ارقىلى ماقساتىنا جەتكەن», - دەدپ اتاپ كورسەتتى وركەن مۇسابەك ۇلى ءوزىنىڭ سوزىندە.
مۇرات ايتقوجا.
حاكەرلەر شابۋىلىنا ۇشىراعان قازاقستاندىق سايتتار ءتىزىمى
| سايتتار |
شابۋىل جاساۋشىلار |
مەملەكەتتەر |
| http://www.fmk.kz/ |
Erfan Nikotin |
Iran |
| http://moldas.kz/ |
Ho3!en-Mojazat |
Siyahi |
| http://gad.kz/ |
angarali |
Turkish |
| http://ddv.kz/ |
dionzz |
ALbanian |
| http://www.asyl-tulik.kz/ |
S3N4T0R |
Azerbaijan |
| http://www.puppet.kz/ |
Bl00dy |
بەلگىسىز |
| http://www.kazbrand.kz/ |
Siteye Erisim |
Turkish |
| http://www.moib.kz/ |
Yaramazadam |
بەلگىسىز |
| http://www.kibris-premier-estate.kz/ |
HighTech |
Brazil |
| http://www.hc.kz/club/ |
HEXB00T3R |
Turkish |
| http://mekenbayeva.kz/ |
Banzell |
Turkish |
| http://www.tiensmed.kz/ |
MS13 |
بەلگىسىز |
| http://akkum-but.kz/productiont/hacked-crazy-hacker |
CrAzY |
Saudi Arabia |
| http://kalkamansarin.kz/ |
simpleS |
بەلگىسىز |
