ەندى باسەكەلەستىكپەن بەتپە-بەت كەلەمىز

ەلباسىنىڭ ۇندەۋىنەن ەلىمىز­­دىڭ كاسىپكەرلەرىنە اكەنىڭ بالاعا جانى اشيتىنداي جاقىن­­­دىقتى ءارى الداعى كەزدەسەتىن قيىندىقتاردان ساقتاندىرۋ جاعدايىن ۇقتىق. ەشقانداي مەملەكەت كورپەسىنىڭ شە­تىن تۇيىقتاپ, ەشكىممەن ارالاس­پاي تۇرمايدى. بايلانىسسىز شارۋا­سىن وڭتايىنان كەلتىرە المايدى. قانشا جەردەن ءتورت قۇبىلاسى تەڭ مەملەكەت بولعانىمەن, ىشكى جانە سىرتقى نارىقتى رەتتەمەي ءىسى العا جۇرمەيدى. مەملەكەت باسشىسى قازاق­ستاندى الەمدەگى وزىق ەلدەردىڭ قاتارىنا قوسۋ ءۇشىن وسى ماسەلەنى بىزگە ءجيى ەسكەرتىپ كەلدى. ءبىز ەرتە مە, كەش پە دۇنيەجۇزىلىك ساۋدا ۇيىمىنا كىرەتىنىمىزدى بىلدىك. مەملەكەتتىك جەڭىلدىكتەردىڭ جاقسىلىعىن سەزىنگەن سايىن الدا ۇلكەن جاۋاپكەرشىلىك بارىن ۇقتىق. قورقاتىن تۇك تە جوق. مۇنى مەن, ايەل زاتى, بۇگىنگى كۇننىڭ تىلىمەن ايتقاندا شارۋا قوجالىعىنىڭ باسشىسى ايتىپ تۇرمىن. سەبەبى, ۇكىمەت ءوز تىرلىگىمدى يكەمدەيمىن دەگەن ازاماتتاردىڭ قولىن قاققان جوق. اۋىل شارۋاشىلىعى سالالارىنا بارىنشا جەڭىلدىكتەر بەردى. قورا سالساق, ارتەزيان قۇدىعىن قازساق, شىعارعان اقشامىزدىڭ جارتىسىن تولەپ بەردى. وندىرگەن ونىمدەردىڭ بەلگىلى ءبىر پايىزىن موينىنا كوتەرىپ الدى. سونىڭ ارقاسىندا جاڭا تەحنولوگيالارعا قول جەتكىزدىك. مىسالى, مەنىڭ شا­رۋاشىلىعىم كوپسالالى. ساۋىن سيىر, شاعىن ناۋبايحانام بار. ۇلكەن تاۋىق فەرماسىن اشتىم. مالدى سوياتىن قاساپحانانى ىسكە قوسىپ جاتىرمىن. راسى كەرەك, كەي-كەيدە دايىن ونىمدەرىمىزدى وتكىزەتىن جەر تاپپاي قينالىپ قالامىز. ويتكەنى, ءبىز سياقتى شاعىن جانە ورتا بيزنەس­پەن اينالىساتىن شارۋاشىلىقتار كوپ, تۇتىنۋشى از. سوندىقتان, ەندىگى باسەكەدە ساپاسى جوعارى, باعا­سى تومەن تاۋارلارعا سۇرانىس ارتادى. باسقا مەملەكەتتەرگە قارا­­عاندا جەرىمىز كەڭ, مال باسىن ءوسى­رۋگە دە, باۋ-باقشا وسىرۋگە دە قولايلى. ونىڭ ۇستىنە دۇنيە­­جۇزىندە ازىق-ت ۇلىككە تاپشىلىق قاتتى سەزىلىپ كەلەدى. سوندىقتان, دۇنيە­­جۇزىلىك ساۋدا ۇيىمىنا كىرۋ ءبىز­­دىڭ شارۋالارعا قوسىمشا ارتىق­شىلىقتار بەرەدى دەپ ويلايمىن.   گۇلسارا سەيىتجانوۆا, «جاڭا جەر» شارۋا قوجالىعىنىڭ ءتورايىمى. وڭتۇستىك قازاقستان وبلىسى.