«Forte trio» مەملەكەتتىك تريوسى – ەلىمىزدەگى ەڭ تانىمال كامەرالىق-اسپاپتىق انسامبلدەردىڭ ءبىرى. ارتىستەر تەك ەلىمىزدە عانا ەمەس, سونىمەن بىرگە شەتەلدە دە قۇرمەتكە يە ءارى كەڭىنەن تانىلعان. شىعارماشىلىق ۇجىمنىڭ اسا باي رەپەرتۋارىنا باروككودان دجازعا دەيىنگى ءتۇرلى ستيلدەر مەن باعىتتاعى تۋىندىلار ەنگەن. تريونىڭ ءتۇرلى وركەسترلەر, سوليستەر, ۆوكاليستەر جانە اسپاپشىلارمەن بىرلەسكەن ونەر كورسەتۋلەرى ۇلكەن جەتىستىككە يە. «Forte Trio» ۇنەمى قازاق ونەرىن ايتۋلى الەمدىك الاڭداردا پاش ەتىپ كەلەدى.
ايتا كەتەيىك, ىلگەرىرەكتە موتسارتتىڭ مىنەزى حاقىندا ماقالا جاريالانعان ەدى.
تريونىڭ قۇرامىندا ورىنداۋشىلىق ونەردىڭ ايگىلى شەبەرلەرى, رەسپۋبليكالىق جانە حالىقارالىق بايقاۋلارىنىڭ لاۋرەاتتارى بار. ءانسامبلدى بەلگىلى پيانيست, پروفەسسور, قازاقستاننىڭ ەڭبەك سىڭىرگەن قايراتكەرى تيمۋر ۋرمانچەەۆ قۇرعان بولاتىن. ول كلاسسيكالىق انسامبلگە سكريپكانى (ماقسات ءجۇسىپوۆ), ۆيولونچەلدى (مۇرات ناربەكوۆ) جانە فورتەپيانونى (ماەسترونىڭ ءوزى وينايدى) بىرىكتىردى. اسپاپتاردىڭ قۇرامى جاعىنان ەلىمىزدەگى العاشقى جانە جالعىز مۋزىكالىق ۇجىم.
بۇل كەشتە كومپوزيتور دميتري شوستاكوۆيچتىڭ دارا بولمىسىن ايقىن كورسەتەتىن كامەرالىق مۋزىكالىق شىعارمالارى ورىندالادى. تۋىندىلار ونىڭ ەرەكشە كوركەمدىك ءستيلىن, تەرەڭ دراماتيزم, ينتەللەكتۋالدىق مازمۇن جانە جاڭاشىل شەشىمدەردىڭ ۇيلەسىمىن بەينەلەيدى. 23 قاڭتار, 19:00-دە روزا باعلانوۆا اتىنداعى «قازاقكونتسەرت» ماكۇ-عا اسىعىڭىز.
