فوتو: ساۋدا جانە ينتەگراتسيا مينيسترلىگى
پاۆيلون ىسكەرلىك ديالوگ الاڭى رەتىندە قىزمەت اتقارىپ, ەكسپورتتىق الەۋەتتى تانىستىرۋعا جانە ونەركاسىپتىك كووپەراتسيانىڭ كەلەشەگىن تالقىلاۋعا مۇمكىندىك بەردى. ەكسپوزيتسيادا قازاقستاننىڭ اۋىل شارۋاشىلىعى ونىمدەرىن ءوندىرۋ مەن تەرەڭ وڭدەۋ, زاماناۋي اگروتەحنولوگيالاردى ەنگىزۋ جانە ورنىقتى اگروجۇيەلەردى دامىتۋ باعىتىنداعى مۇمكىندىكتەرى كەڭىنەن كورسەتىلدى. پاۆيلون نەمىس جانە حالىقارالىق سەرىكتەستەر تاراپىنان جوعارى قىزىعۋشىلىق تۋدىرىپ, قازاقستان ونىمدەرى مەن بىرلەسكەن جوبالارعا دەگەن سۇرانىستىڭ ارتىپ كەلە جاتقانىن دالەلدەدى.
حالىقارالىق كونفەرەنتسيادا ساۋدا جانە ينتەگراتسيا ءمينيسترى ارمان شاققاليەۆ باستاعان دەلەگاتسيا «جاسىل اپتا» اياسىنداعى اگرارلىق ساياسات, بيزنەس جانە حالىقارالىق ۇيىمدار وكىلدەرىن توعىستىرعان نەگىزگى ءىس-شارالارعا قاتىستى.
GFFA اياسىندا ارمان شاققاليەۆ بىرقاتار حالىقارالىق ارىپتەسپەن ەكىجاقتى كەزدەسۋلەر وتكىزدى. اتاپ ايتقاندا, گەرمانيانىڭ ازىق-ت ۇلىك, اۋىل شارۋاشىلىعى جانە وڭىرلىك سايكەستىك جونىندەگى فەدەرالدىق ءمينيسترى الويس راينەرمەن, گەرمانيانىڭ ەكونوميكا جانە ەنەرگەتيكا فەدەرالدىق مينيسترلىگىنىڭ ستاتس-حاتشىسى توماس شتەفەنمەن, نەمىس ەكونوميكاسىنىڭ شىعىس كوميتەتىنىڭ اتقارۋشى ديرەكتورى ميحاەل حارمسپەن, سونداي-اق دۇنيەجۇزىلىك ساۋدا ۇيىمى باس ديرەكتورىنىڭ ورىنباسارى جان-ماري پاۋگاممەن كەلىسسوزدەر جۇرگىزىلدى. تاراپتار ساۋدانى كەڭەيتۋ, كەدەرگىلەردى ازايتۋ, ازىق-ت ۇلىك جەتكىزۋ تىزبەكتەرىنىڭ تۇراقتىلىعى جانە ءوزارا نارىقتارداعى قاتىسۋدى كۇشەيتۋ ماسەلەلەرىن تالقىلادى.
قازاقستان مەن گەرمانيا تۋريزم سالاسىنداعى سەرىكتەستىكتى كەڭەيتەدى
قازاقستان تاراپى نەمىس اگروبيزنەس اليانسى ۇيىمداستىرعان سالالىق پىكىرتالاستارعا دا بەلسەندى قاتىستى. ونىڭ ىشىندە ورنىقتى سۋ پايدالانۋ مەن يننوۆاتسيالىق اگروتەحنولوگيالارعا ارنالعان پانەلدىك سەسسيا جانە «Kazakhstan – Germany Agro & Water Nexus» دوڭگەلەك ۇستەلى ءوتتى. بۇل الاڭدار تاراپتارعا ناقتى كووپەراتسيا ۇلگىلەرىن, بىرلەسكەن پيلوتتىق جوبالاردى جانە تەحنولوگيا ترانسفەرىن تالقىلاۋعا مۇمكىندىك بەردى.
ءىس-شارالار بارىسىندا قازاقستان مەن گەرمانيا اراسىنداعى ساۋدا-ەكونوميكالىق بايلانىستاردىڭ نىعايىپ كەلە جاتقانى اتاپ ءوتىلدى.
2025 جىلدىڭ قاڭتار – قاراشا ايلارىنىڭ قورىتىندىسى بويىنشا ەكى ەل اراسىنداعى تاۋار اينالىمى 3,91 ملرد اقش دوللارىن قۇرادى. قازاقستاننىڭ گەرمانياعا ەكسپورتى 7,9 پايىزعا ءوسىپ, 1,17 ملرد اقش دوللارىنا جەتتى. بۇل نەمىس نارىعىنىڭ قازاقستان جەتكىزۋشىلەرى مەن جوعارى قوسىلعان قۇنى بار ونىمدەرگە دەگەن تۇراقتى قىزىعۋشىلىعىن كورسەتەدى.
ساپاردىڭ ماڭىزدى پراكتيكالىق ناتيجەلەرىنىڭ ءبىرى – ارمان شاققاليەۆ پەن نەمىس ەكونوميكاسىنىڭ شىعىس كوميتەتىنىڭ اتقارۋشى ديرەكتورى ميحاەل حارمس اراسىندا ناۋرىز ايىندا بيزنەس پەن سالالىق ۆەدومستۆولاردىڭ قاتىسۋىمەن بەينەكونفەرەنتسيا وتكىزۋ جونىندەگى ۋاعدالاستىق بولدى. بكس اياسىندا اگروونەركاسىپتىك كەشەن مەن ەكسپورتقا باعدارلانعان سالالارداعى ناقتى كووپەراتسيالىق جوبالار ەگجەي-تەگجەيلى تالقىلانادى. سونىمەن قاتار تاراپتار ءساۋىر ايىندا گەرمانيا دەلەگاتسياسىنىڭ قازاقستانعا ساپارىن ۇيىمداستىرۋ جوسپارىن راستادى. بۇل ساپار بارىسىندا بىرلەسكەن ينۆەستيتسيالىق جانە وندىرىستىك باستامالاردى ىسكە قوسۋعا باسىمدىق بەرىلەدى.
