قاجك-نىڭ اباي وبلىسى بويىنشا قاۋىپسىزدىگى بارىنشا جوعارى مەكەمەسىندە بىردەن ەكى سوتتالعاننىڭ نەكەسى تىركەلدى. ءىس-شارا قازاقستان رەسپۋبليكاسى زاڭناماسىنىڭ تالاپتارىنا قاتاڭ سايكەستىكتە جانە بەلگىلەنگەن ۇستاۋ رەجيمىن ساقتاي وتىرىپ ۇيىمداستىرىلدى.
رەسمي ءراسىمدى مەكەمە قىزمەتكەرلەرىنىڭ قاتىسۋىمەن سەمەي قالاسىنىڭ احات ءبولىمىنىڭ قىزمەتكەرى جۇرگىزدى.
31 جەلتوقسان كۇنى ەڭ كوپ نەكە قاي وڭىردە تىركەلدى
ء«بىز ۇيلەنۋ تۋرالى شەشىم قابىلداعان كەزدە مەن توعىز جىلعا باس بوستاندىعىمنان ايىرىلدىم. كەيىنىرەك تاڭداعان ادامىم مەنەن بالا كۇتىپ جۇرگەنىن ءبىلدىم. قازىرگى ۋاقىتتا ءبىزدىڭ بالامىز ەكى جاسقا كەلىپ قالدى. سۇيىكتىمنىڭ اتا-اناسى مەن جاقىن تۋىستارى باسىندا نەكەگە قارسى بولدى, بىراق مەن ولارمەن ۇنەمى بايلانىستا بولدىم, نيەتىمنىڭ شىنايىلىعىنا سەندىردىم جانە بوستاندىققا شىققاننان كەيىن بۇرىنعى ءومىر سالتىنا ورالماۋعا ۋادە بەردىم. ۋاقىت وتە كەلە ولار كەلىسىمىن بەردى, بۇگىن ءبىز رەسمي تۇردە وتباسى بولدىق», دەيدى سوتتالعانداردىڭ ءبىرى.
شىمكەنت پەن قىزىلوردادا ءماجبۇرلى نەكە بويىنشا العاشقى ىستەر تىركەلدى
«باس بوستاندىعىنان ايىرۋ ورىندارىندا نەكە قيۋ تاربيە پروتسەسىنىڭ ماڭىزدى ەلەمەنتى. سوتتالعان ادام ءۇشىن وتباسىن قۇرۋ-سانالى جانە جاۋاپتى شەشىم. نەكە الەۋمەتتىك بايلانىستاردىڭ ساقتالۋىنا ىقپال ەتەدى جانە زاڭعا باعىناتىن مىنەز-ق ۇلىقتى ىنتالاندىرادى, بۇل ءىس-شارا تۇپكىلىكتى سوتتالعانداردى تۇزەتۋگە باعىتتالعان», دەپ اتاپ ءوتتى مەكەمە باستىعىنىڭ ورىنباسارى ايدىن كالەلوۆ.
