ءىس-شارادا جەكەمەنشىك مەكتەپتەر ورنالاسقان عيماراتتاردىڭ ماقساتتى تاعايىنداماسىنا قويىلاتىن تالاپتارعا بايلانىستى اكىمشىلىك كەدەرگىلەر, سونداي-اق جان باسىنا شاققانداعى قارجىلاندىرۋ قاعيدالارىنا ەنگىزىلگەن وزگەرىستەر, ونىڭ ىشىندە بيۋدجەت قاراجاتىنىڭ ۋاقىتىلى جەتكىزىلمەۋى جانە باقىلاۋدىڭ اشىق تۇردە بولماۋىنا قاتىستى ماسەلەلەر تالقىلاندى.
ءباسپاسوز ءماسليحاتىنا قاتىسۋشىلار جەكەمەنشىك مەكتەپتەردىڭ قىزمەتى ليتسەنزيالاناتىن ءبىلىم بەرۋ قىزمەتى تۇرلەرىنە جاتاتىنىن جانە ولار زاڭناماسىنىڭ تالاپتارىن قاتاڭ ساقتاي وتىرىپ جۇمىس ىستەيتىنىن اتاپ ءوتتى.
ءباسپاسوز ءماسليحاتىن الماتى قالاسى ازاماتتىق اليانسىنىڭ توراعاسى, الماتى قالاسى قوعامدىق كەڭەسىنىڭ مۇشەسى قايىرجان ابدىحالىقوۆ جۇرگىزدى. ونىڭ بارىسىندا جەكەمەنشىك مەكتەپتىڭ جەتەكشىسى جانە قۇرىلتايشىسى الينا مۋرزاەۆا, Insight School العاشقى تاۋەلسىز ينكليۋزيۆتى مەكتەبىنىڭ تەڭ قۇرىلتايشىسى سالتانات مۋرزالينوۆا-ياكوۆلەۆا, الماتى وبلىسى «دانا» مەكتەبىنىڭ قۇرىلتايشىسى رەناتا تولەگەنوۆا بارلىق رۇقسات بەرۋ قۇجاتتارى تەك كوشپەلى تەكسەرۋلەردىڭ ناتيجەسى بويىنشا بەرىلەتىنىن, بۇل تەكسەرۋلەر بارىسىندا عيماراتتاردىڭ سانيتاريالىق, ورتكە قارسى, قالا قۇرىلىسى جانە وزگە دە مىندەتتى تالاپتارعا سايكەستىگى, سونىڭ ىشىندە جوسپارلانۋى, ءۇي-جايلاردىڭ اۋدانى, قاباتتىلىعى جانە ماتەريالدىق-تەحنيكالىق جابدىقتالۋى باعالاناتىنىن ەرەكشە اتاپ ءوتتى.
الماتى قالاسىنىڭ جەكەمەنشىك مەكتەپتەرى بەكىتىلگەن كەستەگە سايكەس مەملەكەتتىك اتتەستاتتاۋدان, سانيتاريالىق-ەپيدەميولوگيالىق قىزمەتتىڭ جوسپارلى تەكسەرۋلەرىنەن, پروكۋراتۋرا ورگاندارىنىڭ جوسپاردان تىس تەكسەرۋلەرىنەن, سونداي-اق قارجى ورتالىعى تاراپىنان مونيتورينگتەن وتكەنى اتاپ ءوتىلدى. جيىن قاتىسۋشىلار سونداي-اق جەكەمەنشىك مەكتەپ وكىلدەرى مەكتەپ ورنالاسقان عيماراتتىڭ نىسانالى ماقساتى رەسمي سيپاتقا يە ەكەنىن جانە ءبىلىم بەرۋ قىزمەتىنە رۇقسات بەرۋدىڭ شەشۋشى فاكتورى بولىپ تابىلمايتىنىن ايتتى. ولاردىڭ پىكىرىنشە, نەگىزگى ولشەم — وبەكتىنىڭ بارلىق بەلگىلەنگەن نورماتيۆتەرگە ناقتى سايكەستىگى جانە بۇل سايكەستىكتىڭ ۋاكىلەتتى مەملەكەتتىك ورگاندارمەن راستالۋى. سونداي-اق الماتى قالاسىندا ەگجەي-تەگجەيلى جوسپارلاۋ جوسپارىن (پدپ) وزگەرتۋگە قولدانىستاعى موراتوري جاعدايىندا عيماراتتاردىڭ نىسانالى ماقساتىن وزگەرتۋ ءراسىمى ءىس جۇزىندە مۇمكىن ەمەستىگىن اتاپ ءوتتى. قاتىسۋشىلاردىڭ ايتۋىنشا, بۇل بۇرىن بارلىق قاجەتتى رۇقسات قۇجاتتارىن الىپ, قۇقىقتىق الاڭدا ءبىلىم بەرۋ قىزمەتىن جۇزەگە اسىرىپ كەلە جاتقان جەكەمەنشىك مەكتەپتەردىڭ جۇمىس ىستەۋىنە ەلەۋلى اكىمشىلىك كەدەرگىلەر تۋعىزادى.
وسىعان بايلانىستى نىسانالى ماقساتقا قويىلاتىن تالاپتى تەك جاڭادان قۇرىلاتىن ءبىلىم بەرۋ ۇيىمدارىنا قاتىستى قولدانۋ جانە بەلگىلەنگەن تارتىپپەن ليتسەنزيالاۋدان, اتتەستاتتاۋدا جانە تەكسەرۋلەردەن وتكەن قولدانىستاعى جەكەمەنشىك مەكتەپتەرگە تاراتپاۋ مۇمكىندىگىن قاراستىرۋ ۇسىنىلدى. سپيكەرلەردىڭ ايتۋىنشا, مۇنداي ءتاسىل ءبىلىم بەرۋ ءۇردىسىنىڭ ساپاسى مەن قاۋىپسىزدىگىن باقىلاۋدى تومەندەتپەي, قالا قۇرىلىسى تالاپتارى مەن جەكەمەنشىك مەكتەپتەردىڭ ناقتى جۇمىس جاعدايلارى اراسىنداعى تەڭگەرىمدى ساقتاۋعا مۇمكىندىك بەرەدى.
9 جىلدا 138 جاڭا مەكتەپ: استانانىڭ ءبىلىم كەڭىستىگى قالاي وزگەرەدى؟
ءباسپاسوز ءماسليحاتىندا جەكەمەنشىك مەكتەپتەردى قارجىلاندىرۋ ماسەلەلەرىنە ەرەكشە نازار اۋدارىلىپ, جان باسىنا شاققانداعى قارجىلاندىرۋ قاعيدالارىنا ەنگىزىلگەن وزگەرىستەردىڭ سالدارىنا دا جەكە توقتالدى. قاتىسۋشىلار, قالىپتاسقان جاعدايدا قارجىلىق اعىنداردىڭ اشىق ەمەستىگىن, قاراجاتتىڭ نەگىزگى الۋشىلارعا جەتۋ مەرزىمدەرىنىڭ ۇزارعانىن جانە جەدەل باقىلاۋ جوقتىعىن كورسەتەتىنىن اتاپ ءوتتى.
جيىن قورىتىندىسىندا جەكەمەنشىك ءبىلىم بەرۋ سەكتورىنىڭ وكىلدەرى ۇكىمەتتىڭ, قالالار مەن وڭىرلەردىڭ اكىمدىكتەرىنىڭ, ۋاكىلەتتى مەملەكەتتىك ورگانداردىڭ جانە جەكەمەنشىك ءبىلىم بەرۋ ۇيىمدارىنىڭ وكىلدەرى قاتىساتىن تۇراقتى ۆەدومستۆوارالىق جۇمىس توبىن قۇرۋدى ۇسىندى. جەكەمەنشىك ءبىلىم بەرۋ ۇيىمدارىنىڭ مۇنداي توپتىڭ جۇمىسىنا بەلسەندى قاتىسۋعا دايىن ەكەنى, جۇيەلى شەشىمدەر ازىرلەۋ, اكىمشىلىك كەدەرگىلەردى جويۋ, قارجىلاندىرۋ اشىقتىعىن ارتتىرۋ, جەكەمەنشىك مەكتەپتەردىڭ ءبىلىم بەرۋىنىڭ ورنىقتى دامۋىن قامتاماسىز ەتۋ, سونداي-اق بالالاردىڭ قولجەتىمدى, ساپالى ورتا ءبىلىم الۋعا كونستيتۋتسيالىق قۇقىعىن قورعاۋ جانە ىسكە اسىرۋ مۇمكىندىگى ايتىلدى.
الماتى
