الماتىدا تۋبەركۋلەزگە شالدىعۋ مەن ودان بولاتىن ءولىم-ءجىتىمدى تومەندەتۋدە تۇراقتى وڭ وزگەرىس ديناميكا تىركەلىپ وتىر. تۋبەركۋلەزگە شالدىعۋ 15,9%-عا تومەندەپ, 100 مىڭ تۇرعىنعا شاققاندا 18,0 جاعداي انىقتالعان, ال 2024 جىلدىڭ وسى كەزەڭىندە بۇل كورسەتكىش 21,5 بولاتىن.
بالالار اراسىندا دا وڭ وزگەرىستەر بايقالادى – تۋبەركۋلەز 2,2%-عا تومەندەدى.
ەمدەلۋگە بەيىلدىلىكتى ارتتىرۋ ماقساتىندا امبۋلاتوريالىق كەزەڭدە پاتسيەنتتەرگە جەرگىلىكتى بيۋدجەت قاراجاتى ەسەبىنەن اي سايىن 12 ايلىق ەسەپتىك كورسەتكىش (اەك) مولشەرىندە الەۋمەتتىك قولداۋ كورسەتىلەدى. سونىمەن قاتار قالادا جىل سايىن «تۋبەركۋلەز» گرانتى بويىنشا مەملەكەتتىك الەۋمەتتىك تاپسىرىس ىسكە اسىرىلىپ, ونىڭ اياسىندا ۇكىمەتتىك ەمەس ۇيىمدار الەۋمەتتىك وسال توپتاعى ادامدارعا كومەك كورسەتەدى.
تۇراقتى ناتيجەگە قول جەتكىزۋدە الماتى قالاسى قدسب-نىڭ فتيزيوپۋلمونولوگيا ورتالىعىنىڭ مونيتورينگ جانە باعالاۋ ءبولىمى ماڭىزدى ءرول اتقارادى. 2025 جىلى 155 مونيتورينگ جانە 42 قاشىقتان مونيتورينگ جۇرگىزىلدى.
سونىمەن قاتار مەديتسينالىق مامانداردىڭ بىلىكتىلىگىن ارتتىرۋ باعىتىندا جۇيەلى جۇمىس جۇرگىزىلىپ كەلەدى. 2025 جىلى 12 ايدا قالانىڭ مەديتسينالىق ۇيىمدارىندا جۇمىس ىستەيتىن 835 مەديتسينا قىزمەتكەرى, ونىڭ ىشىندە دارىگەرلەر مەن ورتا بۋىن مەديتسينا قىزمەتكەرلەرى وقىتۋدان ءوتتى.
ءدارى-دارمەكتەر مەن مەديتسينالىق قىزمەتتەردىڭ تىزبەسى ققس-تان بوساتىلدى
سونداي-اق كەزدەسۋ بارىسىندا اكۋشەرلىك-گينەكولوگيالىق, پەدياتريالىق كومەكتىڭ ساپاسىن مونيتورينگتەۋ جانە باعالاۋ ناتيجەسى, سونىمەن بىرگە الماتى قالاسىنىڭ بمسك جاستار دەنساۋلىق ورتالىقتارىنىڭ قىزمەتى تۋرالى ەسەپ تىڭدالدى. قاتىسۋشىلار ساقتاندىرىلماعان ازاماتتار مەن نوزولوگيالار بويىنشا مەديتسينالىق ۇيىمدار كەسكىنىندەگى جاعدايدى تالداۋعا ەرەكشە نازار اۋداردى.
ەلىمىزدە مەديتسينالىق قىزمەتكە ارنالعان ۆاۋچەرلەر بەرىلە باستايدى
بۇدان بولەك, الماتى قالاسىنداعى مەملەكەتتىك ەمحانالاردىڭ call-ورتالىقتارىنىڭ جۇمىسى, ونىڭ ىشىندە قوڭىراۋ شالۋ قولجەتىمدىلىگى, كەڭەس بەرۋ ساپاسى جانە تۇرعىنداردىڭ وتىنىشىنە جەدەل جاۋاپ بەرۋ جايى قارالدى.
