فوتو: primeminister.kz
ءىس-شاراعا پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا, دەنساۋلىق ساقتاۋ ءمينيسترى اقمارال ءالنازاروۆا, سونداي-اق الماتى قالاسىنىڭ اكىمى دارحان ساتىبالدى قاتىستى.
ءدارى-دارمەكتەر مەن مەديتسينالىق قىزمەتتەردىڭ تىزبەسى ققس-تان بوساتىلدى
ورتالىق COVID-19 پاندەمياسى كەزىندەگى ماسەلەلەردەن ساباق الا وتىرىپ, دەنساۋلىق ساقتاۋ جۇيەسىندەگى دايىندىق دەڭگەيىن ارتتىرۋ, عىلىمي الەۋەتتى دامىتۋ, تسيفرلىق شەشىمدەردى ەنگىزۋ جانە كادرلاردى دايىنداۋ ماقساتىندا تۇرعىزىلدى. 350 توسەك-ورىنعا ەسەپتەلگەن جاڭا مەكەمە ەلىمىزدىڭ تۇكپىر-تۇكپىرىنەن تۋبەركۋلەزبەن اۋىراتىن 2,5 مىڭ ناۋقاستى جىل سايىن ەمدەۋگە جانە دياگنوستيكالىق كومەك كورسەتۋگە ىقپال ەتەدى.
«بۇل ورتالىق پرەزيدەنت تاپسىرماسىمەن ۇلت دەنساۋلىعىن نىعايتۋ جانە بيولوگيالىق قاۋىپسىزدىكتى قامتاماسىز ەتۋ ماقساتىندا بوي كوتەردى. بۇگىندە مۇندا عىلىمي زەرتتەۋلەر, وزىق تەحنولوگيا جانە بولاشاق مامانداردى تاربيەلەۋ باعىتتارى ءوزارا ساباقتاسىپ, ءبىرتۇتاس جۇيەگە اينالىپ وتىر. ينفەكتسيالىق اۋرۋلاردىڭ ۇلتتىق عىلىمي ورتالىعى وسكەلەڭ ۇرپاقتىڭ دەنساۋلىعىن ساقتاۋعا, ۇلتتىق قاۋىپسىزدىكتى نىعايتۋعا جانە وتاندىق مەديتسينالىق عىلىمدى دامىتۋعا زور ۇلەس قوسادى دەپ سەنەمىن», دەدى ايدا بالاەۆا.
پرەمەر-ءمينيستردىڭ ورىنباسارى مەملەكەت باسشىسىنىڭ تاپسىرماسىنا سايكەس ەلىمىزدە دەنساۋلىق ساقتاۋ نىساندارىمەن قاتار الەۋمەتتىك ينفراقۇرىلىم دا قارقىندى دامىپ جاتقانىن اتاپ ءوتتى.
«كەيىنگى ەكى جىلدا ەلدە 695 جاڭا مەديتسينالىق نىسان, 614 مىڭ ورىنعا ارنالعان 419 جاڭا مەكتەپ سالىندى. بۇل 19 اپاتتى مەكتەپتى جويۋعا, 58 مەكتەپتەگى ءۇش اۋىسىمدى وقىتۋ ماسەلەسىن شەشۋگە جانە 190 مەكتەپتەگى وقۋشى ورىندارىنىڭ تاپشىلىعىن ازايتۋعا مۇمكىندىك بەردى. سونىمەن قاتار, 237 سپورت نىسانى پايدالانۋعا بەرىلدى, ونىڭ ىشىندە 69-ى قالالاردا, 168-ءى اۋىلدىق جەرلەردە ورنالاسقان. 2025 جىلى 61 مادەنيەت نىسانىنىڭ قۇرىلىسى اياقتالدى. وڭىرلەردە 251 نىساندا جوندەۋ جۇمىستارى جۇرگىزىلىپ جاتىر. بۇل وزگەرىستەر, ەڭ الدىمەن, حالىقتىڭ ءومىر ساپاسىن ارتتىرۋعا, الەۋمەتتىك قورعاۋدى نىعايتۋعا باعىتتالعان», دەدى ا.بالاەۆا.
ءىس-شارا بارىسىندا ياۇعو-نىڭ بولىمشەلەرىنە ەكسكۋرسيا ۇيىمداستىرىلىپ, مەكەمەنىڭ ينفراقۇرىلىمى مەن جابدىقتالۋى تانىستىرىلدى. سونىمەن قاتار مەكەمە ۇجىمىمەن دە كەزدەسۋ ءوتتى.
ايتا كەتەيىك, ينفەكتسيالىق اۋرۋلاردىڭ ۇلتتىق عىلىمي ورتالىعى قىسقا مەرزىمدە سالىنعان. مۇندا كلينيكالىق كومەك كورسەتۋ, عىلىمي جۇمىس جۇرگىزۋ, ءبىلىم بەرۋ, تسيفرلىق تەحنولوگيالاردى پايدالانۋ سەكىلدى مۇمكىندىكتەر بار. ورتالىق بالالار مەن جۇكتى ايەلدەرگە دە مەديتسينالىق كومەك كورسەتەدى. توتەنشە جاعدايلار كەزىندە جەدەل تۇردە 500 توسەك-ورىنعا دەيىن كەڭەيتىلۋى مۇمكىن.
ياۇعو – دياگنوستيكا مەن ەمدەۋدەن باستاپ, ينفەكتسيالىق جانە پارازيتتىك اۋرۋلارعا, ونىڭ ىشىندە دارىگە ءتوزىمدى تۋبەركۋلەز تۇرلەرىنە قاتىستى كۇردەلى زەرتحانالىق زەرتتەۋلەر جۇرگىزە الاتىن تولىققاندى مەكەمە. ورتالىق ينفەكتسيالىق قاۋىپ-قاتەرگە ۇلتتىق دەڭگەيدە ءمان بەرەتىن, عىلىمي جاڭالىقتار مەن ينفەكتسيالىق اۋرۋلارمەن جۇمىس ىستەيتىن مامانداردى كاسىبي دايارلايتىن بازاعا اينالماق.
