استانا. 12 مامىر. بۇگىن ۋەفا چەمپيوندار ليگاسىنىڭ جارتىلاي فينالدىق باسەكەسى اياسىندا «باۆاريا» (ميۋنحەن, گەرمانيا) مەن «بارسەلونا» (بارسەلونا, يسپانيا) اراسىنداعى قارىمتا ويىن وتەدى. ميۋنحەندەگى «اليانتس-ارەنا» ستاديونىندا بولاتىن ويىندا فينالعا شىققان العاشقى كوماندا انىقتالادى. بۇل تۋرالى egemen.kz حابارلادى.
يسپانيادا وتكەن قوس كوماندا اراسىنداعى العاشقى ويىندا «بارسەلونا» 3:0 ەسەبىمەن باسىم تۇسكەنى بەلگىلى. ەندەشە بۇگىن گەرمانيانىڭ كومانداسىنا وتە قيىن بولارى انىق. وسى رەتتە ءبىز ادەتتەگىدەي بۇگىنگى ويىنعا قاتىستى كەيبىر قىزىقتى دەرەكتەرگە نازار اۋدارۋدى ءجون كوردىك.
- چەمپيوندار ليگاسى اياسىندا ءوز الاڭىندا وتكەن العاشقى ويىندا 3:0 ەسەبىمەن جەڭگەن كوماندالاردىڭ 93,7 پايىزى جارىستى جالعاستىرىپ وتىرعان.
- «باۆاريا» ءبىرىنشى كەزدەسۋدە قاقپاسىنا 3 نەمەسە ودان دا كوپ گول جىبەرىپ العان كەزدە, ەشقاشان كەلەسى كەزەڭگە شىعىپ كورمەگەن. مۇنداي جاعداي نەمىس كومانداسىنىڭ تاريحىندا 7 رەت تىركەلگەن ەكەن
- ال «بارسەلونا» العاشقى ماتچتا 3 دوپ ايىرماسىمەن جەڭگەن كەزدە بارلىعىندا جارىستى جالعاستىرعان.
- قازىرگى تاڭدا چەمپيوندار ليگاسىنىڭ تاريحىنداعى ەڭ ۇزدىك بومباردير «بارسەلونانىڭ» شابۋىلشىسى ليونەل مەسسي ەكەنى بەلگىلى. ونىڭ ەنشىسىندە 77 گول بار. اپتا بۇرىن «باۆاريامەن» بولعان ويىندا مەسسي ەكى مارتە مەرگەندىگىمەن كوزگە ءتۇستى.
- «بارسەلونا» تۋرنير بارىسىندا قاتارىنان 9 ويىندا جەڭىسكە جەتتى. بۇل – ليگا تاريحىنداعى كەزەكتى رەكوردتىق كورسەتكىش.
كوماندالار مىنا قۇرامدا الاڭعا شىعۋى مۇمكىن.
