وزەكتى ماسەلەلەر تالقىلاندى

مەملەكەت باسشىسى نۇرسۇلتان نازارباەۆتىڭ توراعالىعىمەن قازاقستان رەسپۋبليكاسى قاۋىپسىزدىك كەڭەسىنىڭ وتىرىسى ءوتتى, دەپ حابارلادى پرەزيدەنتتىڭ ءباسپاسوز قىزمەتى. وتىرىستا ۇلتتىق قاۋىپسىزدىك ستراتەگياسىنىڭ 2014 جىلعى جۇزەگە اسىرىلۋ بارىسى, ەلدىڭ قارۋلى كۇشتەرىن نىعايتۋ ماسەلەلەرى تالقىلاندى, سونداي-اق, بيىلعا ارنالعان مەيلىنشە وزەكتى مىندەتتەر بەلگىلەندى. پرەزيدەنتتىڭ كومەكشىسى – قاۋىپسىزدىك كەڭەسىنىڭ حاتشىسى ن.ەرمەكباەۆ ۇلتتىق قاۋىپ­سىزدىكتىڭ احۋالى مەن مەملەكەتتىك ورگان­داردىڭ وسى سالاداعى قىز­مەتى تۋرالى باياندادى. مەملەكەت باسشىسى قابىل­دانىپ جاتقان شارالار ارقاسىندا ۇلتتىق مۇددەلەردى ءتيىستى دەڭگەيدە ساقتاۋ قامتاماسىز ەتىلىپ وتىر­عانىن اتاپ ءوتتى. سونىمەن قاتار, ءدىني-ەكسترەميستىك, تەرروريستىك, سونداي-اق, جاھاندىق جانە ءوڭىر­لىك ۇردىستەردەن تۋىنداعان ەكو­نوميكالىق سيپاتتاعى قاتەرلەر ساقتالىپ وتىر. قازاقستان پرەزيدەنتى وسىعان بايلانىستى لاڭكەستىككە قارسى قولدا بار ينفراقۇرىلىمدى جەتىلدىرۋ قاجەتتىگىنە توقتالدى. اتاپ ايتقاندا, مەم­لەكەت تەرروريزمگە جانە ەكس­ترە­ميزمگە قارسى ءىس-قيمىل ءجو­نىندەگى قۇ­قىق­تىق جانە ۇيىم­داس­تىرۋ­شىلىق تەتىكتەردى جەتىلدىرۋدى جالعاستىرىپ, ارناۋلى بولىمدەردىڭ جابدىقتالۋىن جانە ولاردىڭ لاڭكەستىككە قارسى وپەراتسيالارعا دايىندىعىن ارتتىرۋ جونىندە شارالار قا­بىل­دايدى. ءتۇسىندىرۋ جۇمىستارى ازامات­تارىمىزدىڭ بويىندا ەكسترە­ميستىك يدەولوگياعا قارسى يممۋ­نيتەت قالىپتاستىرۋ ىسىنە باعىت­تالادى. قابىلداناتىن قۇقىق­تىق جانە پروفيلاكتيكالىق شارا­لار راديكالدىق يدەيانى ۇستانا­تىندار سانىن قىسقارتۋعا مۇمكىندىك بەرەدى. نۇرسۇلتان نازارباەۆ, سونداي-اق, ۇكىمەت پەن جەر­گى­لىكتى اتقارۋشى ورگاندار ەل­دەگى جانە ءبىزدىڭ نەگىزگى ساۋ­دا سەرىكتەستەرىمىزدىڭ نارىق­تارىنداعى ەكونوميكالىق احۋالدى ۇدايى تالداپ وتىرۋعا, قاجەت بولعان جاعدايدا شارا قابىلداۋعا تيىستىگىنە نازار اۋداردى. سونىمەن قاتار, قالىپتاسقان جاعدايدا ىشكى ساياسي تۇراقتىلىقتى ساقتاۋعا, الەۋمەتتىك جانە ەڭ­بەك قاقتىعىستارىنا اكەلەتىن سەبەپتەردى جويۋعا ايرىقشا نازار اۋدارۋ قاجەت. بۇل رەتتە ەڭبەك جانە شارۋاشىلىق داۋلارىنا قاتىسۋشى بارلىق تاراپتىڭ زاڭدىلىقتى ساقتاۋى ماڭىزدى. قازاقستان پرەزيدەنتى ءبىزدىڭ رەسپۋبليكامىز ۋكرايناداعى احۋالدى رەتتەۋ ىسىنە بارىنشا كۇش جۇمىلدىرۋدى جالعاستىراتىنىن ايتتى. بۇل ماقساتقا جەتۋ ءۇشىن بارلىق ديپلوماتيالىق رەسۋرستار پايدالانىلاتىن بولادى. وتىرىستا, سونداي-اق, اسكە­ري, قوعامدىق, ەكولوگيالىق, اقپا­راتتىق قاۋىپسىزدىكتى قامتاماسىز ەتۋگە بايلانىستى ماسەلەلەر قا­رالدى. تالقىلاۋ قورىتىندىسى بوي­ىنشا مەملەكەت باسشىسى ۇكى­مەتكە بىرقاتار ناقتى تاپسىرما بەرىپ, ولاردىڭ ورىندالۋىن باقىلاۋدى قاۋىپسىزدىك كەڭەسىنىڭ حاتشىلىعىنا جۇكتەدى. سۋرەتتى تۇسىرگەندەر س.بوندارەنكو, ب.وتارباەۆ.