اۆتوپارككە س كلاسىنداعى 4 رەانيموبيل جانە ۆ كلاستى 32 اۆتوكولىك جەتكىزىلدى. بارلىق كولىك زاماناۋي مەديتسينالىق جابدىقتارمەن تولىق قامتىلعان جانە تاۋلىك بويى جۇمىس ىستەۋگە دايىن. ولار شۇعىل شاقىرتۋلارعا بارۋمەن قاتار, اۋىر حالدەگى ناۋقاستاردى تاسىمالداۋعا دا مۇمكىندىك بەرەدى.
اۆتوپاركتىڭ جاڭارۋى جەدەل جاردەم بريگادالارىنىڭ شاقىرتۋعا جەتۋ ۋاقىتىن قىسقارتىپ, قىزمەتتىڭ موبيلدىلىگىن ارتتىرۋعا جانە اۋىلدار مەن شالعاي ەلدى مەكەندەردە مەديتسينا قىزمەتكەرلەرى ءۇشىن قولايلى ەڭبەك جاعدايىن جاساۋعا جول اشادى.
ايتا كەتەيىك, وبلىستىق جەدەل مەديتسينالىق جاردەم ستانتسياسىنىڭ اۆتوپاركى سوڭعى رەت وسىنداي اۋقىمدا 2020 جىلى جاڭارتىلعان بولاتىن.
اقتوبەلىكتەر جەدەل جاردەمنىڭ قوزعالىسىن ياندەكس Go قوسىمشاسىنان كورە الادى
جاڭا كولىكتەردىڭ كىلتتەرىن بۇگىن وبلىس اكىمى نۇرىمبەت ساقتاعانوۆ اۋداندىق جەدەل جاردەم بولىمشەلەرىنىڭ جۇرگىزۋشىلەرىنە سالتاناتتى تۇردە تابىستادى. ويتكەنى ءدال وسى جاندار كۇن سايىن مەديتسينالىق بريگادالاردىڭ جەدەل ءارى قاۋىپسىز قىزمەتىن قامتاماسىز ەتىپ كەلەدى.
جاڭا جەدەل جاردەم كولىكتەرى التاي, گلۋبوكوە, زايسان, ۇلكەن نارىن, كاتونقاراعاي, كۇرشىم, مارقاكول, سامار, تارباعاتاي, شەمونايحا اۋداندارى مەن ريددەر قالاسىنداعى بولىمشەلەرگە بەرىلدى.
«جەدەل جاردەم قىزمەتكەرلەرى كۇن سايىن 600-گە دەيىن شاقىرتۋعا شىعىپ, ديسپەتچەرلەر مىڭعا جۋىق قوڭىراۋ قابىلدايدى. ءار ساننىڭ ارتىندا - ادام تاعدىرى, كومەككە دەگەن ءۇمىت بار. جاڭا اۆتوكولىكتەر مەديتسينا قىزمەتكەرلەرىنە ناۋقاستارعا جەدەل جەتۋگە, قاۋىپسىز ءارى قولايلى جاعدايدا جۇمىس ىستەۋگە جانە ەڭ باستىسى, ادام ءومىرىن قۇتقارۋعا مۇمكىندىك بەرەدى» دەدى نۇرىمبەت ساقتاعانوۆ.
استانادا جەدەل جاردەم ستانتسياسىنىڭ قىزمەتكەرلەرى جىلدار بويى قارجى جىمقىرعان
