قالانىڭ جاڭا مايقۇدىق پوليتسيا بولىمىنە 41 جاستاعى جەرگىلىكتى تۇرعىن ارىزبەن جۇگىنىپ, اۆتوبۋس ىشىندە قالتاسىنان ۇرلىق جاسالعانىن حابارلاعان. ونىڭ ايتۋىنشا, جول ۇستىندە اقشاسى, بانك كارتالارى جانە جەكە قۇجاتتارى بار ءاميانى ۇرلانعان.
ارىز تۇسكەن بويدا پوليتسەيلەر جەدەل ارەكەت ەتىپ, كۇدىكتىنى انىقتاعان. ول 44 جاستاعى ازامات بولىپ شىقتى. جەكە ءتىنتۋ بارىسىندا ودان ۇرلانعان ءاميان ىشىندەگى بارلىق زاتتارىمەن بىرگە تابىلىپ, ايعاق زات رەتىندە تاركىلەندى.
الماتىدا قالتا ۇرىلارىنىڭ كۇندەلىكتى تابىسى شامامەن ميلليون تەڭگەدەن اسقان
اتالعان دەرەك بويىنشا بوتەننىڭ مۇلكىن ۇرلاۋ فاكتىسىمەن قىلمىستىق ءىس قوزعالدى. قازىرگى ۋاقىتتا ءتارتىپ ساقشىلارى ۇستالعان ازاماتتىڭ قالا جانە وبلىس اۋماعىندا بۇعان دەيىن جاسالعان وزگە دە وسىعان ۇقساس قىلمىستارعا قاتىستىلىعىن تەكسەرىپ جاتىر.
