استانا. 24 اقپان. 2015 جىلعا بيۋدجەت تاپشىلىعىنا قاراماستان, اۋىل شارۋاشىلىعى سالاسىنا 20 ملرد. تەڭگە قوسىمشا قارجى ءبولىنىپ وتىر. بۇل تۋرالى بۇگىن ورتالىق كوممۋنيكاتسيالار قىزمەتىنىڭ بريفينگىندە پارلامەنت سەناتىنىڭ دەپۋتاتى قۋانىش ايتاحانوۆ ايتتى.
Baq.kz پورتالىنىڭ حابارلاۋىنشا, دەپۋتات الەم نارىعىنداعى باعالاردىڭ تومەندەۋى ەلىمىزدىڭ ەكونوميكاسىنا ءوزىنىڭ اسەرىن تيگىزىپ جاتقانىن تىلگە تيەك ەتكەن.
«سوڭعى كەزدەرى əلەم نارىعىنداعى شيكىزات رەسۋرستارى باعالارىنىڭ تومەندەۋى ەلىمىزدىڭ ەكونوميكاسىنىڭ دامۋىنا ءوز əسەرىن تيگىزۋدە. تۇبىندە جەر قويناۋى بايلىقتارى تاۋسىلۋى دا مۇمكىن. ال əلەم حالىقتارىنىڭ سانى مەن ولاردىڭ əل-اۋقاتىنىڭ ءوسۋى, اۋىل شارۋاشىلىعى ونىمدەرىنە دەگەن سۇرانىس كۇن ساناپ ارتا تۇسەدى. ەگەر ءبىز جەردى ءتيىمدى پايدالانا بىلسەك, ونىڭ قۇنارلىعىن ارتتىرىپ, يننوۆاتسيالىق تەحنولوگيانى ەندىرسەك اۋىل شارۋاشىلىعىنان تۇراقتى تۇردە مول ءونىم الىپ, تابىسقا جەتۋگە بولادى. ۇستىمىزدەگى جىلى ۇكىمەتتىڭ كەڭەيتىلگەن وتىرىسىندا ەلباسى قازىرگى ەكونوميكالىق احۋالعا بايلانىستى «نۇرلى جول» باعدارلاماسىن داعدارىسقا قارسى جاڭا شارالارمەن تولىقتىرىپ, اگروونەركəسىپتىك كەشەندى مەملەكەتتىك قولداۋدى ۇلعايتۋعا تاپسىرما بەردى. ەلباسى تاپسىرماسىنا سəيكەس, ۇكىمەت ناقتىلاعان 2015 جىلدىڭ بيۋدجەتى تۋرالى زاڭ جوباسىندا بيۋدجەت تاپشىلىعىنا قاراماي, اۋىل شارۋاشىلىعىنا 20 ملرد. تەڭگە قوسىمشا قارجى ءبولىنىپ وتىر», - دەدى دەپۋتات.
سونىمەن قاتار, 2015 جىلى اۋىل شارۋاشىلىعىنىڭ الدىنا جالپى ءونىم كولەمىن 2,7 پايىزعا ارتتىرۋ مəسەلەسى قويىلعاندىعىن ايتقان قۋانىش ايتاحان ۇلى: «قازىر وڭتايلاندىرۋ بارىسىندا بارلىق سالانىڭ ءوسۋ كولەمى قىسقاردى, بىراق اۋىل شارۋاشىلىعىنىڭ سول كۇيىندە 2,5 پايىزدا قالدى. وسىنىڭ ءوزى اۋىل شارۋاشىلىعىنا قايسىبىر قيىن كەزەڭدەردە دە باسىمدىق بەرۋگە بولاتىنىن, ونى دۇرىستاپ پايدالانا بىلەتىن بولساق ەلىمىزگە ۇلكەن ەكونوميكالىق تابىس الىپ كەلەتىن سالانىڭ ءبىرى ەكەندىگى ايقىندالىپ وتىر», - دەپ اتاپ ءوتتى.
مۇرات ايتقوجا.
