فوتو: airastana.com
وسىعان بايلانىستى Air Astana ۇشاقتارى شارم-ەل-شەيح, دۋباي, دوحا جانە مەديناعا يران اۋە كەڭىستىگىن اينالىپ ۇشادى. سونداي-اق رەيستەر كەستەسىندە وزگەرىستەر بولادى.
كومپانيا جاعدايدى مۇقيات باقىلاپ وتىرعانىن مالىمدەپ, جولاۋشىلاردان رەيستەردىڭ مارتەبەسىن تەكسەرۋدى سۇراپ وتىر.
جولاۋشىلار رەيستەرىنىڭ كەشىگۋى نەمەسە وزگە دە جاعدايلارعا قاتىستى مالىمەتتى كومپانيانىڭ بايلانىس ورتالىقتارىنان الا الادى: برونداۋ جانە اقپارات ورتالىعىنىڭ نومىرلەرى: +7 (727) 244 44 77, +7 702 702 44 77.
رەيستەردى كەشىكتىرگەن جانە توقتاتقان جاعدايدا: +7 (727) 244 44 78.
WhatsApp: +7 702 702 00 74.
ايتا كەتەيىك, يراندا بىرنەشە كۇننەن بەرى ەلدىڭ تۇكپىر-تۇكپىرىن قامتىعان جاپپاي نارازىلىقتار جالعاسىپ جاتىر.
يران بيلىگى نارازىلىقتار كەزىندە شامامەن 2000 ادامنىڭ قازا تاپقانىن حابارلادى.
الەمدىك باق يران اۋە كەڭىستىگىنىڭ جابىلۋىن ىسكە اقش-تىڭ ارالاسۋىمەن بايلانىستىرىپ وتىر. قازىر يران بيلىگى تەك تاڭداۋلى حالىقارالىق رەيستەردى قابىلداۋعا شەشىم شىعارعان.
