فوتو: gov.kz
قوستاناي قالاسىندا اۋا تەمپەراتۋراسى -30 گرادۋسقا دەيىن تومەندەپ, جەلدىڭ جىلدامدىعى سەكۋندىنا 5 مەتردى قۇراپ وتىر. وسىعان بايلانىستى مەكتەپكە دەيىنگى دايارلىق سىنىبىن قوسا العاندا ءبىرىنشى اۋىسىمداعى 1-11-سىنىپ وقۋشىلارى قاشىقتان وقىتۋ فورماتىنا اۋىستىرىلادى.
قارابالىق اۋدانىندا اۋا تەمپەراتۋراسى -32 گرادۋسقا دەيىن تومەندەپ, جەلدىڭ جىلدامدىعى سەكۋندىنا 16 مەترگە جەتكەن. اتالعان اۋداندا دا 0-سىنىپ پەن 1-11-سىنىپ وقۋشىلارىنىڭ ءبىرىنشى اۋىسىمى قاشىقتان وقىتۋعا كوشىرىلەدى.
بەيىمبەت مايلين اۋدانىنداعى بارلىق مەكتەپ (1-11-سىنىپتار) قاشىقتان وقىتۋ فورماتىنا كوشىرىلدى. ايماقتا اۋا تەمپەراتۋراسى -33 گرادۋسقا دەيىن تومەندەگەن.
رۋدنىي قالاسىندا قولايسىز اۋا رايى جاعدايلارىنا بايلانىستى ءبىرىنشى اۋىسىمداعى 0-9-سىنىپ وقۋشىلاردىڭ ساباقتارى ونلاين فورماتتا وتەدى.
سونداي-اق بۇگىن اقتوبە قالاسىندا دا 1-11-سىنىپ وقۋشىلارى قاشىقتان وقىتۋ فورماتىنا كوشىرىلدى.
15 قاڭتار كۇنى استانا قالاسىنىڭ مەكتەپ وقۋشىلارى اۋا تەمپەراتۋراسىنىڭ تومەندەۋىنە بايلانىستى تولىقتاي قاشىقتان وقىتۋ فورماتىنا كوشىرىلگەن ەدى.
سينوپتيكتەردىڭ مالىمەتىنشە, الداعى كۇندەرى ەل اۋماعىنداعى بارلىق وڭىرلەردە اۋا تەمپەراتۋراسى تومەندەيدى.
