بۇل − يسلام رەسپۋبليكاسىندا ەكى اپتادان بەرى جالعاسىپ كەلە جاتقان بۇكىلحالىقتىق تولقۋلار باستالعالى بەرى ادام شىعىنى العاش رەت رەسمي تۇردە مويىندالعان جاعداي.
دەرەككوزدىڭ مالىمەتىنشە, بيلىك وكىلدەرى نارازىلىق بىلدىرۋشىلەر مەن قۇقىق قورعاۋ ورگاندارى قىزمەتكەرلەرىنىڭ قازاسىنا "تەرروريستىك توپتاردى" كىنالاپ وتىر. الايدا قۇربان بولعاندار تۋرالى ناقتى دەرەكتەر مەن تولىق ءتىزىم ازىرگە جاريالانعان جوق.
ەكونوميكالىق جاعدايدىڭ كۇرت ناشارلاۋىنان تۋىنداعان قازىرگى نارازىلىقتار يراننىڭ ءدىني باسشىلىعى ءۇشىن سوڭعى ءۇش جىلداعى ەڭ اۋىر ىشكى سىناقتاردىڭ بىرىنە اينالدى. بۇعان دەيىن ادام قۇقىقتارىن قورعاۋ ۇيىمدارى جۇزدەگەن ادامنىڭ قازا تاپقانى جانە مىڭداعان ازاماتتىڭ قاماۋعا الىنعانى جونىندە حابارلاعان بولاتىن.
يرانداعى احۋالعا بايلانىستى الەمدىك نارىقتا مۇناي باعاسى كۇرت ءوستى
اقش-تا ورنالاسقان HRANA ۇيىمىنىڭ دەرەگىنە سايكەس, دۇيسەنبى كۇنى ەل بويىنشا 10 700-دەن استام ادام ۇستالعان. الايدا بۇل مالىمەتتەر دە رەسمي تۇردە راستالعان جوق.
سونىمەن قاتار يران وپپوزيتسياسىنا تيەسىلى Iran International ۆەب-سايتى نارازىلىقتار سالدارىنان قازا تاپقاندار سانى 12 مىڭ ادامعا دەيىن جەتۋى مۇمكىن ەكەنىن مالىمدەدى. باسىلىم بۇل دەرەكتەر ەل ىشىندەگى ءتۇرلى دەرەككوزدەرگە, سونىڭ ىشىندە قاۋىپسىزدىك قۇرىلىمدارى مەن مەديتسينالىق مەكەمەلەرگە سۇيەنە وتىرىپ جاسالعانىن اتاپ ءوتتى. دەگەنمەن بۇل اقپاراتتى تاۋەلسىز تۇردە تەكسەرۋ مۇمكىن بولماعان, ال رەسمي ورگاندار اتالعان مالىمەتتەردى راستاعان جوق.
ترامپ يرانمەن كاسىپ جۇرگىزەتىن بارلىق ەلگە 25 پايىزدىق باج سالىعىن ەنگىزدى
بۇعان دەيىن يران بيلىگى مۇنداي بولجامداردى جوققا شىعارىپ, جاپپاي نارازىلىقتاردى سىرتقى كۇشتەر ايداپ سالدى جانە ۇيىمداسقان توپتار زورلىق-زومبىلىق ارەكەتتەرىن ادەيى ۇيىمداستىردى دەپ مالىمدەگەن.
يران كەلىسسوز جۇرگىزۋدى ۇسىندى, بىراق اقش ديالوگقا دەيىن ارەكەت ەتۋى مۇمكىن
