ونىڭ الدىندا ءىشى قاتتى اۋىرىپ, قۇسا بەرگەن بالاقاي كلينيكالىق بالالار اۋرۋحاناسىنا جەدەل جەتكىزىلگەن ەدى. ءسويتىپ ودان قان سىناماسى الىنىپ, ۋلترادىبىستىق زەرتتەۋ (ۋدز) جۇرگىزىلدى. اناليز ناتيجەسىندە دارىگەرلەر وپەراتسيا جاساۋ قاجەت دەگەن شەشىمگە كەلدى. ناۋقاس دەنساۋلىعىنىڭ ناشارلاۋ سەبەبى ءىش قۋىسىنىڭ ليمفانگيوماسى – سيرەك كەزدەسەتىن, بىراق كولەمى ۇلعايعان جاعدايدا ىشكى اعزالاردىڭ قىزمەتىنە ايتارلىقتاي قاۋىپ توندىرەتىن قاتەرسىز ىسىكتىڭ پايدا بولۋى ەدى. ىسىكتىڭ كولەمى ۇلكەن, وپەراتسيا كۇردەلى بولعاندىقتان حيرۋرگتار وتادا لاپاروتوميا ادىسىنە سۇيەندى.
وپەراتسيادان كەيىن ناۋقاس بولىمشەگە اۋىستىرىلىپ, دارىگەرلەردىڭ تۇراقتى باقىلاۋىندا بولدى. جاعدايى ءبىرشاما جاقسارعان سوڭ ۇيىنە شىعارىلدى.
الماتىدا ومىرتقا ج ۇلىنى كەسەلىمەن تۋعان ەكى بالاعا كۇردەلى وتا جاسالدى
مامانداردىڭ ايتۋىنشا, مۇنداي وتالار اسقان دالدىكتى, كاسىبي شەبەرلىك پەن زاماناۋي مەديتسينالىق جابدىقتى تالاپ ەتەدى. بۇل ورايدا شىمكەنتتىڭ مەديتسينالىق ۇيىمدارىندا سوڭعى جىلدارى حيرۋرگيالىق كومەكتىڭ ساپاسىن ارتتىرۋعا, كۇردەلى وتالاردى جەرگىلىكتى جەردە جاساۋعا ەرەكشە كوڭىل بولىنە باستادى.
كۇردەلى وتا مىندەتتى الەۋمەتتىك مەديتسينالىق ساقتاندىرۋ جۇيەسى اياسىندا جاسالدى. شىمكەنت قالالىق كلينيكالىق بالالار اۋرۋحاناسىنىڭ باس دارىگەرى دينارا ءجۇمادىلوۆانىڭ ايتۋىنشا ناۋقاستار اۋرۋحانادا تەگىن مەديتسينالىق كومەكتىڭ كەپىلدەندىرىلگەن كولەمى اياسىندا ەم الادى جانە مىندەتتى الەۋمەتتىك مەديتسينالىق ساقتاندىرۋ پاكەتى شەڭبەرىندە مەديتسينالىق قىزمەتتەر تولىق كولەمدە كورسەتىلەدى.
