پاۆلودار. 24 اقپان. پاۆلودارداعى سۇلتانماحمۇت تورايعىروۆ اتىنداعى ۋنيۆەرسيتەتتە «قازاقستان حالقى اسسامبلەياسىنىڭ 20 جىلدىعىنا 20 قايىرىمدى ءىس» رەسپۋبليكالىق ءىس-شارالار باستالدى. بۇل تۋرالى egemen.kz ءتىلشىسى حابارلادى.
كونتسەرتتىڭ اشىلۋىندا وبلىستاعى «ەلبرۋس» قارشاي-شەركەس جانە كاباردين-بالقار ەتنو-مادەني بىرلەستىگىنىڭ ءتورايىمى ماريا بايرامقۇلوۆا قۇتتىقتاۋ ءسوز سويلەدى. بىرلەستىك كاراشاي شەركەس, كاباردين-بالكارلاردىڭ تىلدەرىن, تاريحىن, سالت-ءداستۇرىن ساقتاۋدا جاقسى جۇمىستار اتقارۋدا. ەل بىرلىگىن نىعايتۋعا, قازاق مادەنيەتىمەن تانىسۋعا, مەملەكەتتىك ءتىلدى مەڭگەرۋگە جانە قازاقستاننىڭ گۇلدەنۋىنە ءوز ۇلەستەرىن قوسۋدا. كونتسەرتتە «چيپچيك», «كۋانچ», «مينگي تاۋ» ۆوكالدىق توپتارى ءان سالدى. كونتسەرتتە «قازاقستانىم», «ورايدا», «سي 1 ەف 1 سي فو», «جاسا قازاعىم», «تەك العا» سياقتى قازاق اندەرى ورىندالدى. بۇل كونتسەرتتى وقىتۋشىلار, ستۋدەنتتەر قاۋىمى تاماشالادى. كەش سوڭىندا «ەلبرۋس» قاراشاي-شەركەس جانە كاباردين-بالقار ايماقتىق ەتنومادەني بىرلەستىگى جانە جوعارى وقۋ ورنىنىڭ «قازاقستان حالقى اسسامبلەياسى» كافەدراسى مەرەكەلىك سىيلىقتارمەن ماراپاتتالدى.
فاريدا بىقاي.
دەرەك, سۋرەت: egemen.kz.
