«پوبەدا» اۋە كومپانياسىنا تيەسىلى Boeing 737 ۇشاعى ۆنۋكوۆو – سامارقان باعىتى بويىنشا ۇشىپ بارا جاتقان. ال ەكىنشىسى Uzbekistan Airways كومپانياسىنا تيەسىلى Airbus A320 اۋە كەمەسى. ول تەرمەزدەن ماسكەۋگە باعىت العان.
ۇشاقتار ءبىر-بىرىنە جاقىنداعان ساتتە, ەكەۋى دە شىمكەنتتەگى اۋە ديسپەتچەرلەرىنىڭ باقىلاۋ ايماعىندا بولعان. وقيعا ازاماتتىق اۆياتسيا قاعيدالارىنا سايكەس تەرگەۋدى قاجەت ەتەتىن اۋىر اۆياتسيالىق جاعداي رەتىندە تىركەلدى. قازىر كولىك مينيسترلىگى تەكسەرۋ ءۇشىن ارنايى كوميسسيا قۇرىپ جاتىر.
ەسكە سالايىق, گروزنىيعا بەت العان ازەربايجاندىق AZAL كومپانياسىنا تيەسىلى Embraer 190 جولاۋشىلار ۇشاعى اقتاۋ ماڭىندا اپاتقا ۇشىرادى. اۋە اپاتىنان 38 ادام كوز جۇمىپ, 29 جولاۋشى جاراقات العان ەدى.
كەيىن وقيعا ورنىنان 12 جولاۋشى اۋرۋحاناعا جەتكىزىلگەنىن حابارلاعان ەدىك. ۇشاق بورتىندا قازاقستاننىڭ 6 ازاماتى بولعان. اپاتتىڭ سەبەبىن انىقتاۋ ماقساتىندا تەرگەۋ جۇمىستارى جۇرگىزىلدى. 2025 جىلدىڭ 26 جەلتوقسانىندا ەلىمىزدىڭ كولىك مينيسترلىگى تەرگەۋدىڭ ارالىق قورىتىندىسىن جاريالادى.
