فوتو: دەنساۋلىق ساقتاۋ مينيسترلىگى
ءتيىستى شارالار دارىلىك زاتتاردىڭ 3000-نان استام اتاۋىن قامتيدى, ونىڭ 1 200 اتاۋى ورفاندىق جانە الەۋمەتتىك ءمانى بار اۋرۋلاردى ەمدەۋگە ارنالعان. سونداي-اق كوتەرمە جانە بولشەك ساۋدادا ساتۋ كەزىندە ققس-تان بوساتىلۋعا جاتادى.
سونداي-اق سيرەك جانە الەۋمەتتىك ءمانى بار اۋرۋلاردى ەمدەۋ, دياگنوستيكالاۋ, الدىن الۋ جانە وڭالتۋ بويىنشا مەديتسينالىق قىزمەتتەرگە ققس سالىنبايدى.
قوسىمشا قوسىلعان قۇن سالىعىنان تمككك جانە ءمامس شەڭبەرىندە دارىلىك زاتتاردى ءوندىرۋ ءۇشىن پايدالانىلاتىن يمپورتتالاتىن فارماتسەۆتيكالىق سۋبستانتسيالار بوساتىلادى.
اتالعان شارالار 2025 جىلعى 31 جەلتوقساندا قابىلدانعان «دەنساۋلىق ساقتاۋ سالاسىنداعى قوسىلعان قۇن سالىعىنان بوساتۋدىڭ كەيبىر ماسەلەلەرى تۋرالى» ۇكىمەتتىڭ № 1203 قاۋلىسىمەن بەكىتىلگەن جانە 2026 جىلعى قاڭتاردان باستاپ كۇشىنە ەنگەن جاڭا سالىق كودەكسى شەڭبەرىندە ىسكە اسىرىلادى.
يمپورتتالاتىن تاۋارلارعا ققس تولەۋدى كەيىنگە قالدىرۋ مەحانيزمى بەكىتىلدى
قابىلدانعان شەشىم پاتسيەنتتەردى قولداۋعا جانە مەديتسينالىق كومەكتىڭ قولجەتىمدىلىگىن ارتتىرۋعا, سونداي-اق مەديتسينالىق ۇيىمدارعا قارجىلىق جۇكتەمەنى ازايتۋعا جانە وتاندىق فارماتسەۆتيكا سالاسىن دامىتۋ ءۇشىن قولايلى جاعدايلار جاساۋعا باعىتتالعان.
بۇدان باسقا, جاڭا سالىق كودەكسىنە سايكەس كوتەرمە جانە بولشەك ساۋدا سەگمەنتتەرىندە دارىلىك زاتتار مەن مەديتسينالىق بۇيىمداردى وتكىزۋ كەزىندە ققس تومەندەتىلگەن مولشەرلەمەسىن قولدانۋ كوزدەلگەن. 2026 جىلعى قاڭتاردان باستاپ ققس مولشەرلەمەسى 5 %-دى, ال 2027 جىلعى 1 قاڭتاردان باستاپ 10%-دى قۇرايدى.
سونىمەن ءبىر مەزگىلدە دەنساۋلىق ساقتاۋ مينيسترلىگى باسەكەلەستىكتى قورعاۋ جانە دامىتۋ اگەنتتىگىمەن بىرلەسىپ رەتسەپتىلىك دارىلىك زاتتاردى رەتتەۋ مەرزىمىن 2027 جىلعى 1 قاڭتارعا دەيىن ۇزارتۋ تۋرالى شەشىم قابىلدادى.
وسى شارالاردى ىسكە اسىرۋ دەنساۋلىق ساقتاۋ جۇيەسىن جەتىلدىرۋ جانە حالىقتى الەۋمەتتىك قورعاۋدى نىعايتۋ جونىندەگى كەشەندى مەملەكەتتىك ساياساتتىڭ بولىگى سانالادى.
ەستەرىڭىزگە سالايىق, وتكەن جىلدىڭ ورتاسىندا دەنساۋلىق ساقتاۋ مينيسترلىگى بولشەك ساۋدا جەلىسىندەگى دارىلىك زاتتارعا شەكتى باعالاردى رەتتەۋ تەتىگىن ەنگىزگەن. ناتيجەسىندە بۇگىندە 3 780 اتاۋ بويىنشا دارىلىك پرەپاراتتاردىڭ باعاسى ورتا ەسەپپەن 26 %-عا تومەندەگەنى تىركەلدى.
2025 جىلى شەكتى باعانى بۇزۋدىڭ 28 فاكتىسى انىقتالىپ, جالپى سوماسى 5,7 ملن تەڭگەگە اكىمشىلىك قۇقىق بۇزۋشىلىق تۋرالى حاتتامالار جاسالدى.
