كوللاجدى جاساعان – زاۋرەش سماعۇل ,«EQ»
كوميتەتتىڭ حابارلاۋىنشا, ەسەپتى سول تاپسىرعان اقپاراتتىق جۇيە ارقىلى كەرى قايتارىپ الۋعا بولادى. بىراق بۇل تەتىك تەك وتپەلى كەزەڭگە ارنالعان.
ۆەدومستۆو بۇل مۇمكىندىكتى شەكتەن تىس قولدانباۋعا شاقىرىپ وتىر. كوميتەتتىڭ تۇسىندىرۋىنشە, «جاڭا سالىق كودەكسىندە سالىق ەسەپتىلىگىن كەرى قايتارىپ الۋ قۇقىعى الىپ تاستالعاندىقتان, بۇل فۋنكتسيانى تەك سالىق رەجيمىن ۋاقتىلى تاڭداۋ جانە جەكە كاسىپكەر قىزمەتىن توقتاتۋ ءۇشىن عانا پايدالانۋ قاجەت».
سالىق كودەكسى: ارنايى رەجيمدەرگە كوشۋ مەرزىمى 28 اقپاندا اياقتالادى
نەگىزىندە قابىلدانعان سالىق كودەكسى بويىنشا ەسەپتى كەرى قايتارىپ الۋ مۇمكىن ەمەس. جالعىز ەرەكشەلىك تاۋاردى اكەلۋ جانە جاناما سالىق تولەۋ جونىندەگى وتىنىشكە قاتىستى. ول 328.00 نىسانى ارقىلى راسىمدەلەدى.
جاڭا كودەكستە ءۇش ارنايى سالىق رەجيمى قاراستىرىلعان. ولار ءوزىن-ءوزى جۇمىسپەن قامتىعاندار ءۇشىن, وڭايلاتىلعان دەكلاراتسيا نەگىزىندەگى رەجيم جانە شارۋا نەمەسە فەرمەر قوجالىقتارىنا ارنالعان ءتارتىپ. ازاماتتار مەن كاسىپكەرلەر 1 ناۋرىزعا دەيىن حابارلاما بەرىپ, وڭايلاتىلعان دەكلاراتسياعا كوشە الادى.
زەينەتاقى تولەمدەرى سالىقتان بوساتىلىپ, كوپبالالى وتباسىلارعا شەگەرىمدەر ەنگىزىلدى
جۇيەگە كوشۋ بەلسەندى ءجۇرىپ جاتىر. قاڭتاردىڭ العاشقى ون كۇنىنىڭ وزىندە 66 مىڭ ادام ءوز قىزمەتىن زاڭداستىرىپ, ءوزىن-ءوزى جۇمىسپەن قامتىعان تۇلعا رەتىندە تىركەلگەن. بۇل جاڭا سالىق تارتىبىنە قىزىعۋشىلىقتىڭ جوعارى ەكەنىن كورسەتەدى.
