فوتو Depositphotos.com
ترامپتىڭ ايتۋىنشا, بۇل ۇسىنىس اقش باسشىسىنىڭ يرانداعى نارازىلىقتاردى كۇشپەن باسۋعا قاتىستى قاتاڭ جاۋاپ بولاتىنىن ەسكەرتكەن مالىمدەمەلەرىنەن كەيىن تۇسكەن.
11 قاڭتاردا دونالد ترامپ يرانداعى نارازىلىقتى تاراتۋعا بايلانىستى «وتە قاتاڭ جاۋاپ» نۇسقالارىن قاراستىرىپ جاتقانىن مالىمدەگەن. اق ۇيدە تالقىلانىپ وتىرعان ىقتيمال شارالار قاتارىندا سانكتسيالاردى كۇشەيتۋ, كيبەروپەراتسيالار جۇرگىزۋ جانە اسكەري سوققى بەرۋ مۇمكىندىگى دە بار ەكەنى ايتىلدى.
– اكىمشىلىك يران تاراپىمەن كەزدەسۋ ىقتيمالدىعىن تالقىلاپ جاتىر. بىراق بىزگە كەلىسسوز باستالعانعا دەيىن دە ارەكەت ەتۋگە تۋرا كەلۋى مۇمكىن, – دەدى اقش پرەزيدەنتى.
بۇل رەتتە ترامپ ادام قۇقىقتارىن قورعاۋشىلاردىڭ دەرەكتەرىنە سۇيەنىپ, يراندا قازا تاپقاندار سانى ءوسىپ كەلە جاتقانىن جانە نارازىلىققا قاتىسقانداردىڭ جاپپاي ۇستالىپ جاتقانى تۋرالى اقپاراتتى اتاپ ءوتتى.
دونالد ترامپ يرانعا كۇش قولدانۋدى تالقىلايدى
تەگەران ازىرگە اقش پرەزيدەنتىنىڭ مالىمدەمەسىنە رەسمي تۇسىنىكتەمە بەرگەن جوق. بۇعان دەيىن يران پارلامەنتىنىڭ سپيكەرى موحامماد باگەر قاليباف ەلگە سوققى جاسالعان جاعدايدا, اقش كۇشتەرى مەن يزرايل «زاڭدى نىساناعا» اينالاتىنىن ايتقان.
ال يراننىڭ سىرتقى ىستەر ءمينيسترى ابباس اراگچي تەگەران كەلىسسوزگە دايىن ەكەنىن, بىراق ول ء«وزارا قۇرمەت» شارتتارىمەن عانا جۇزەگە اسۋى ءتيىس ەكەنىن مالىمدەگەن.
Human Rights Activists News Agency (HRANA) قۇقىق قورعاۋ ۇيىمىنىڭ ەسەبىنە سايكەس, يرانداعى نارازىلىقتار كەزىندە كەمىندە 544 ادام قازا تاپقان. ۇيىم دەرەگىنشە, ولاردىڭ 496-سى نارازىلىققا قاتىسۋشىلار, 48-ءى قاۋىپسىزدىك كۇشتەرىنىڭ قىزمەتكەرلەرى. سونىمەن قاتار سوڭعى ەكى اپتادا 10 600-دەن استام ادام ۇستالعانى ايتىلدى.
يران بيلىگى قازا تاپقاندار مەن ۇستالعاندارعا قاتىستى رەسمي جيىنتىق ستاتيستيكا جاريالاعان جوق. مەملەكەتتىك باق ونداعان شەرۋشىنىڭ قازا بولعانىن حابارلاعان. ال Tasnim اگەنتتىگى 109 قاۋىپسىزدىك قىزمەتكەرى كوز جۇمعانىن مالىمدەدى.
ترامپ ماسكتەن يرانداعى ينتەرنەت بايلانىسىن قالپىنا كەلتىرۋدى وتىنبەك
12 قاڭتاردا سىرتقى ىستەر ءمينيسترى ابباس اراگچي شەتەلدىك ديپلوماتتارمەن كەزدەسۋدە ەلدەگى جاعداي تولىق باقىلاۋعا الىنعانىن ايتتى.
– نارازىلىقتار زورلىق-زومبىلىققا ۇلاسىپ, قان توگىسپەن ءجۇرۋى اقش پرەزيدەنتىنە ارالاسۋعا سىلتاۋ جاساۋ ءۇشىن ادەيى جوسپارلانعان, – دەدى ول.
وسى كۇنى يران مەملەكەتتىك تەلەارناسى تەگەرانداعى ەنگەلاب الاڭىنا باعىت العان شەرۋ كادرلارىن كورسەتتى. رەپورتاجدا بۇل اكتسيالارعا بيلىكتى قولدايتىن ازاماتتار قاتىسقانى ايتىلىپ, رەسمي مالىمدەمەدە شارالار «امەريكالىق-سيونيستىك تەرروريزمگە قارسى يراندىق كوتەرىلىس» دەپ اتالدى.
سىرتقى رەاكتسياعا كەلسەك, قىتاي يرانداعى تۇراقتىلىقتى قولدايتىنىن جانە سىرتقى ارالاسۋعا قارسى ەكەنىن مالىمدەدى. قحر ءسىم وكىلى ماو نين حالىقارالىق قاتىناستاردا كۇش قولدانۋعا جول بەرىلمەيتىنىن ايتىپ, حالىقارالىق قۇقىق اياسىندا مەملەكەتتەردىڭ ەگەمەندىگى مەن قاۋىپسىزدىگىن قۇرمەتتەۋگە شاقىردى.
ايتا كەتەيىك, يران ءۇش كۇندىك ۇلتتىق ازا تۇتۋ جاريالادى.
