مەگاپوليس نەيروحيرۋرگتارى قىتاي مامانىنىڭ قاتىسۋىمەن جامباس مۇشەسىندە كەمىستىگى بار 15, 17 جاستاعى ەكى جاسوسپىرىمگە كۇردەلى وپەراتسيانى ساتىمەن اتقاردى.
بۇل پاتسيەنتتەر ومىرتقا ج ۇلىنىندا ءتۋابىتتى كەسەل بار ەكەندىگىن بىلدىرەتىن «spina bifida» دياگنوزىمەن دۇنيەگە كەلگەن. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنە سۇيەنسەك, spina bifida ج ۇلىن اۋرۋى جاڭا تۋعان ءاربىر مىڭ نارەستەنىڭ 1-2-ۋىندە عانا كەزدەسەدى.
بۇۇ: دەنساۋلىق ساقتاۋعا ينۆەستيتسيا سالىنباسا, بۇدان دا جويقىن پاندەمياعا تاپ بولامىز
وسى ورايدا №2 بقكا ديرەكتورى مارات راباندياروۆ مۇنداي اۋىر دياگنوز اياقتاردىڭ السىزدىگىمەن, سالماق تۇسكەندە ۇدايى اۋىرتىپ, كىشى دارەت پەن ۇلكەن دارەتتىڭ ايتارلىقتاي بۇزىلۋىمەن قاتار جۇرەتىنىن ايتادى.
مۇنداي جاعدايدا بالالار ءوز قاتارلاستارى سياقتى جۇگىرىپ, شاپقىلاپ ويناي المايتىندىقتان, سپورتپەن شۇعىلدانۋىن شەكتەپ, الەۋمەتتىك, پسيحولوگيالىق تۇرعىدا دا كىسىكيىك كۇيگە تۇسىرەدى. وعان قوسا كونسەرۆاتيۆتى ەم-دوم ءتيىمدى ناتيجە بەرمەيتىندىكتەن, قازىرگى مەديتسينا ساكرالدى نەيروستيمۋلياتسيا ورناتۋعا – حيرۋرگيالىق جولمەن ەمدەۋ ادىسىنە جۇگىنەدى.
سونىمەن وتاندىق مەديتسينا تاريحىنداعى كۇردەلى وپەراتسيا كەزىندە جاس ناۋقاستاردىڭ سەگىزكوزىنە №2 بقكا نەيروحيرۋرگتارى دانيار سابدەناليەۆ, ازامات جايلگانوۆ, روزا تانتساروۆا مەن انەستەزيولوگ-دارىگەر جاندوس شولاحوۆتار قىتايلىق پروفەسسور گۋان يۋينحۋەيمەن بىرگە ساكرالدى ستيمۋلياتوردى ساتىمەن قويدى.
دەنساۋلىق ساقتاۋ سالاسىنىڭ ۇزدىك 7 كورسەتكىشى اتالدىدەنساۋلىق ساقتاۋ سالاسىنىڭ ۇزدىك 7 كورسەتكىشى اتالدى
ناۋقاستاردى ىرىكتەۋ مەن ستيمۋلياتوردىڭ جۇمىسىن سۇيەمەلدەپ, باپتاۋ جۇمىسىن اتقارعان نەۆروپاتولوگ-نەيروفيزيولوگ گۇلنۇر قاسەنوۆا ايتۋىنشا, وتادان كەيىنگى ناۋقاستاردىڭ دەنساۋلىعىندا وڭ وزگەرىستەر ءجۇرىپ, ءزار شىعارۋ قىزمەتىنىڭ جاقسارعانى بايقالعان.
قازىرگى تاڭدا الەمنىڭ جەتەكشى كلينيكالارى كەڭىنەن قولدانىلاتىن بۇل ءادىستى مەگاپوليستەگى ءىرى بالالار اۋرۋحاناسىنىڭ ءبىرىنىڭ قولعا الۋى وتاندىق دەنساۋلىق ساقتاۋ سالاسىنداعى ايتۋلى وقيعا ەكەندىگىن جوققا شىعارۋعا بولمايدى. جانە وسىنداي حيرۋرگيالىق كومەككە مۇقتاج بالالاردىڭ ەل قاتارىنا قوسىلۋىنا جول اشادى.
جوعارى تەحنولوگيالىق وتالار بالالارعا مىندەتتى الەۋمەتتىك مەديتسينالىق ساقتاندىرۋ شەڭبەرىندە جۇرگىزىلدى. ەلىمىزدەگى بارشا بالالار ءمامس جۇيەسىندە مەملەكەت تاراپىنان ساقتاندىرىلعانىن ەسكە سالا كەتەيىك.
الماتى
