سولتۇستىك قازاقستان اكروباتشىلارى جەڭىسپەن ورالدى

پەتروپاۆل. 24 اقپان. پاۆلودار قالاسىندا اكروباتتىق جولاق پەن باتۋتتا سەكىرۋدەن وتكەن ەل بىرىنشىلىگىندە سولتۇستىك قازاقستان ءوڭىرىنىڭ وكىلدەرى تاماشا تابىستارعا جەتتى. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى حابارلادى. رەسپۋبليكالىق دوداعا قۇرامىندا 100-گە تارتا سپورتشى بار 8 كوماندا قاتىسىپ, سايىستىڭ قورىتىندىسىندا سولتۇستىكقازاقستاندىقتار 7 مەدال ەنشىلەدى. اتاپ ايتقاندا, يۆان رۋساكوۆ پەن ۆيتالي دەلل باتۋتتا سەكىرۋدەن, ماريا توپوريششەۆا اكروباتتىق جولاقتا سەكىرۋدەن جەڭىمپاز اتاندى. ەليزاۆەتا مەتس (اكروباتتىق جولاق) پەن ولەگ رەميگايلو (اكروباتتىق جولاق) ەكىنشى, ءۇشىنشى ورىنداردى يەلەندى. سولتۇستىكقازاقستاندىقتار جالپىكوماندالىق ەسەپتە دە ۇزدىكتەر قاتارىنان كورىندى. اكروباتتىق جولاقتا سەكىرۋ باعدارلاماسىندا قىزدارىمىز دا, ۇلدارىمىز دا چەمپيوندىق تۇعىرعا كوتەرىلدى. ءومىر ەسقالي. دەرەك: سولتۇستىك قازاستان وبلىستىق دەنە شىنقتىرۋ جانە سپورت باسقارماسىنىڭ ءباسپاسوز قىزمەتى. سۋرەت: «قازاقپارات».