فوتو: اشىق دەرەككوز
QazTrade باس ديرەكتورى ايتمۇحاممەد الداجاروۆ بۇل ديناميكا تۇركى ەلدەرىنىڭ نارىقتارىندا وتاندىق ونىمگە تۇراقتى سۇرانىس بار ەكەنىن كورسەتەتىنىن اتاپ ءوتتى.
ەكسپورتتىڭ ءوسۋى بيداي, مىس, مۇناي, كۇنباعىس مايى, مەتالل ونىمدەرى, سونداي-اق اگروونەركاسىپ كەشەنى مەن تاماق ونەركاسىبى ونىمدەرىن جەتكىزۋ ەسەبىنەن قامتاماسىز ەتىلدى. بۇل رەتتە ەڭ جوعارى ءوسىم وڭدەلگەن ونىمدەرگە تيەسىلى بولدى. بۇل ەكسپورت قۇرىلىمىنىڭ جوعارى قوسىلعان قۇنى بار تاۋارلار جاعىنا قاراي بىرتىندەپ وزگەرىپ كەلە جاتقانىن كورسەتەدى.
تابيعي گاز جانە كەيبىر جارتىلاي فابريكاتتار سياقتى جەكەلەگەن شيكىزات تاۋارلارىنىڭ جەتكىزىلىمىنىڭ تومەندەۋىن QazTrade تەرىس ءۇردىس ەمەس, قۇرىلىمدىق قايتا قۇرۋدىڭ ءبىر بولىگى رەتىندە قاراستىرادى.
قازاقستان ازيا ءۇشىن ەت ونىمدەرىنىڭ ءىرى ەكسپورتتاۋشىسى بولا الادى
تۇركى مەملەكەتتەرى ۇيىمىنا مۇشە ەلدەرمەن ساۋدانىڭ نەگىزگى بولىگى تۇركيا, وزبەكستان, قىرعىزستان جانە ازەربايجانعا تيەسىلى. بۇل باعىتتار جالپى تاۋار اينالىمىنىڭ شامامەن 96 پايىزىن قۇرايدى. مۇنداي شوعىرلانۋ لوگيستيكانىڭ جاقىندىعىمەن, ورنىقتى ساۋدا بايلانىستارىمەن جانە بولجامدى سۇرانىسپەن تۇسىندىرىلەدى.
«2026 جىلى قازاقستاننىڭ تۇركى ساۋدا-ونەركاسىپ پالاتالارى وداعىنا توراعالىق ەتۋى بىزگە وداقتىڭ ەكونوميكالىق كۇن ءتارتىبىن قالىپتاستىرۋعا مۇمكىندىك بەرەدى. بۇل – حالقىنىڭ جيىنتىق سانى 160 ميلليوننان اساتىن تۇركى ەلدەرىنىڭ نارىقتارى, وندا قازاقستان ونىمىنە تۇراقتى سۇرانىس بار ەكەنىن كورىپ وتىرمىز. نەگىزگى نازار – وندىرۋشىلەر اراسىنداعى كووپەراتسيانى كەڭەيتۋ جانە كومپانيالار اراسىندا تىكەلەي B2B-بايلانىستار قۇرۋ», دەدى QazTrade باس ديرەكتورى ايتمۇحاممەد الداجاروۆ.
ايتا كەتەيىك, قازاقستان ماي ەكسپورتىنان 532 ملن دوللار تابىس تاپتى.
