بىلتىر ەل چەمپيونى اتانۋمەن قاتار ۋەفا چەمپيوندار ليگاسىن ءساتتى وتكىزىپ, نەگىزگى كەزەڭىنە جولداما العان رافاەل ءۋرازباحتيننىڭ شاكىرتتەرى پارسى شىعاناعىنداعى ماتچتا تىم سۇرەڭسىز وينادى. باسەكە 3:0 ەسەبىمەن باكۋلىكتەردىڭ پايداسىنا شەشىلدى. گولداردىڭ ۇشەۋى دە ەكىنشى تايمدا سوعىلدى. تارقاتىپ ايتساق, 67 مينۋتتا اليانسكي, 89 مينۋتتا ابۋباكار جانە 90+2 مينۋتتا مامەدوۆ مەرگەندىك تانىتتى. «قايرات» قانشا تالپىنعانىمەن بىردە-ءبىر رەت ناتيجەلى شابۋىل ۇيىمداستىرا الماي, ابدەن الەككە ءتۇستى.
«قايرات» – «بريۋگگە» ماتچى: بيلەتتەر ساتىلىمى باستالدى
كەلەسى جولداستىق كەزدەسۋدە الماتىلىقتار 14 قاڭتاردا حورۆاتيانىڭ «ۆاراجديناسىنا» قارسى وتكىزەدى. ال وقۋ-جاتتىعۋ جيىنى 15 قاڭتاردا اياقتالادى. سودان كەيىن «قايرات» ۋەفا چەمپيوندار ليگاسىنداعى ويىندارىن جالعاستىرادى.
بۇعان دەيىن وفري ارادتىڭ «قايراتتان» كەتكەنى حابارلانعان بولاتىن.
