قوستاناي وبلىسىندا باسقارماعا جاڭا باسشى تاعايىندالدى

استانا. 24 اقپان. قوستاناي ءوڭىرىنىڭ باسشىسى نۇرالى سادۋاقاسوۆتىڭ بۇيرىعىمەن تەمىرجان تولەۋباي ۇلى تولەۋباەۆ وبلىستىق جەردىڭ پايدالانىلۋى مەن قورعالۋىن باقىلاۋ باسقارماسىنىڭ باسشىسى بولىپ تاعايىندالدى. بۇل تۋرالى وبلىستىق اكىمدىكتىڭ ءباسپاسوز قىزمەتىنەن حابارلادى. تەمىرجان تولەۋباەۆ 1952 جىلى 4 ساۋىردە اقمولا وبلىسى قيما اۋدانىنىڭ «ەسىل» كەڭشارىندا تۋعان. 1999-2009 جىلدار ارالىعىندا قوستاناي وبلىسى جeتىعارا اۋدانىنىڭ اكىمى, وبلىستىق اۋىل شارۋاشىلىق جانە ازىق-ت ۇلىك دەپارتامەنتىنىڭ ديرەكتورى, قوستاناي وبلىسى التىنسارين اۋدانىنىڭ اكىمى, قوستاناي وبلىسى اكىمىنىڭ ورىنباسارى. قوستاناي وبلىستىق ءماسليحاتىنىڭ حاتشىسى, «ينتەگراتسيا تسەلينا» جشس باس ديرەكتورى, ارقالىق قالاسىنىڭ اكىمى بولعان. قوستاناي وبلىستىق ءماسليحاتىنىڭ 3-ءشى (2006 ج.), 4-ءشى (2007 ج.) شاقىرىلىم دەپۋتاتى. 2012 جىلدان باستاپ, جەر رەسۋرستارىن باسقارۋ اگەنتتىگى قوستاناي وبلىسى بويىنشا اۋماقتىق جەر ينسپەكتسياسىنىڭ باستىعى قىزمەتتەرىن اتقارعان. «قۇرمەت» وردەنىمەن (2006 جىل), «قازاقستان رەسپۋبليكاسىنىڭ تاۋەلسىزدىگىنە 10 جىل», «قاجىرلى ەڭبەگى ءۇشىن», «قازاقستان كونستيتۋتسياسىنا 10 جىل» مەدالدارىمەن ماراپاتتالعان. جولدىباي بازار. دەرەك, سۋرەت: قوستاناي وبلىستىق اكىمدىگىنىڭ ءباسپاسوز قىزمەتى.