ءماجىلىس دەپۋتاتى ءبىر جىلدا جارتى ميلليارد تەڭگە تابىس تاپقان

بارلىباەۆ 2016 جىلدان بەرى ءماجىلىس دەپۋتاتى بولىپ كەلەدى. 2021 جىلى ول VII شاقىرىلىمعا قايتا سايلانعان. پارلامەنتتەگى جالپى جۇمىس ءوتىلى شامامەن 10 جىلدى قۇرايدى. ول «اق جول» پارتياسىنىڭ مۇشەسى بولىپ, پارتيا ىسكەرلىكتى قولدايدى.

سونىمەن قاتار, ءوز تابىستارىن جاريالاعان ءماجىلىس دەپۋتاتتارى:

• اناس باققوجاەۆ جانە ونىڭ ايەلى اليا وتارباەۆا – ونىڭ تابىسى 4 319 744 تەڭگە;

• باۋرجان سماعۇلوۆ جانە ونىڭ ايەلى گۇلميرا ديۋسەبەكوۆا – ونىڭ تابىسى 48 133 600 تەڭگە.

ءماجىلىس توراعاسىنىڭ جۇبايى گۇلجان اباۋوۆا 2024 جىلى 1 577 425 تەڭگە تاپقان. پالاتا ۆيتسە-توراعاسى البەرت راۋ دا دەكلاراتسياسىن جاريالاپ, ونىڭ جۇبايى سۆەتلانا 10 804 608 تەڭگە تاپقان.

قالعان دەپۋتاتتار دەكلاراتسيالارىن جاريالاماعان, ولاردىڭ بەتتەرىندە «جەكە تۇلعانىڭ 2024 جىلعى وزىندىك سالىققا جاتاتىن تابىسى جوق» دەپ كورسەتىلگەن.

2025 جىلعى 1 قاڭتاردان باستاپ ساياسي قىزمەتكەرلەر مەن دەپۋتاتتاردىڭ تابىستارى مىندەتتى تۇردە جاريالانۋى ءتيىس بولدى. دەكلاراتسيالار رەسمي سايتتاردا 2025 جىلعى 31 جەلتوقسانعا دەيىن ورنالاستىرىلۋى كەرەك ەدى. الايدا, ەگەر قىزمەتكەردىڭ نەگىزگى جالاقىسىنان باسقا قوسىمشا تابىسى بولماعان بولسا, اقپارات جاريالانبايدى.

بۇعان دەيىن بىرنەشە وتاندىق مينيسترلىكتەر سايتىندا ءبىرىنشى دەكلاراتسيالار جاريالانعان بولاتىن. ەڭ ۇلكەن سوما – 88 678 984 تەڭگە – ۇلتتىق ەكونوميكا ءمينيسترى, پرەمەر-ءمينيستردىڭ ورىنباسارى سەرىك جۇمانعاريننىڭ جۇبايى سانيا سادىكوۆاعا تيەسىلى.

پرەزيدەنت اكىمشىلىگىنىڭ ورىنباسارى ءارى «سامۇرىق-قازىنا» كەڭەسىنىڭ مۇشەسى ەربولات دوساەۆ 14 ملن تەڭگە تاپقان, ال ونىڭ جۇبايى گۇلنار – 2,3 ملرد تەڭگە. سەنات دەپۋتاتى ساعىندىق لۇكپانوۆ 2024 جىلى 43 760 تەڭگە تاپقانىن كورسەتكەن. او «سامۇرىق-قازىنا» باسقارما توراعاسى نۇرلان جاقۋپوۆ 2022-2024 جىلدار ارالىعىندا جالپى 805 984 963 تەڭگە تابىس تاپقان.