بۇل قىزمەتتى 2007 جىلى العاش رەت تاما اتتى مىسىق اتقارعان. ول مىسىقتىڭ سۇيكىمدىلىگى سونداي, حالىق سونى كورۋگە بولا تەمىرجولعا كەلەتىن بولعان. ونىڭ سەگىز جىل مىگىرسىز قىزمەتى ناتيجەسىندە جولاۋشىلار سانى جىلىنا شامامەن 300 مىڭ ادامعا ارتتى. ال ەكونوميكالىق تيىمدىلىك 1,1 ملرد يەننەن استى. سويتىپ تاما شىعىنعا باتقان تەمىرجول جەلىسىن ساقتاپ قالۋعا ۇلكەن ۇلەس قوستى.
تاما 2015 جىلى ومىردەن وتكەن سوڭ ونىڭ ورنىن نيتاما باستى. ول بۇل قىزمەتتە ون جىل جۇمىس ىستەدى. 2025 جىلعى قاراشادا نيتاما 15 جاسىندا قايتىس بولدى. بۇل ادام جاسىمەن ەسەپتەگەندە شامامەن 75 جىلعا تەڭ. قازىر ونىڭ ورنىنا شۇبار الا ەنتاما تاعايىندالدى.
ەنتامانىڭ مىندەتىنە جولاۋشىلاردى قارسى الۋ, جارنامالىق ناۋقاندارعا قاتىسۋ جانە ستانتسيا قوناقتارىنىڭ كوڭىلىن كوتەرۋ كىرەدى. مىسىقتىڭ جۇمىس ۋاقىتى ساعات 10:00-دەن 16:00-گە دەيىن. دەمالىس كۇندەرى تۇراقتى.
ۆاكاياما پرەفەكتۋراسىنداعى كيسي ستانتسياسى ارنايى مىسىق بەينەسىندە قايتا جاڭعىرتىلعان. شاتىرى قۇلاققا ۇقسايدى, كىرەبەرىسى اۋىز پىشىنىندە, ال تەرەزەلەرى كوزدى ەلەستەتەدى. سونداي-اق ستانتسيا اۋماعىندا تاماعا ارنالعان عيباداتحانا بار. سينتويستىك ءداستۇر بويىنشا ول تەمىرجولدىڭ قامقورشى ءپىرى رەتىندە تانىلعان.
