جۇمىس ساپارى بارىسىندا اگرارلىق ءبىلىم مەن عىلىمدى دامىتۋدىڭ وزەكتى ماسەلەلەرى تالقىلاندى. ۋنيۆەرسيتەت وكىلدەرى ءىرى شارۋا قوجالىقتارمەن تىعىز بايلانىس ورناتۋ قاجەتتىگىن اتاپ ءوتتى. بۇل قادام ستۋدەنتتەردىڭ وندىرىستىك تاجىريبەدەن وتۋىنە قولايلى جاعداي جاساۋعا مۇمكىندىك بەرەدى.
سونىمەن قاتار اۋىل شارۋاشىلىعى ماماندىقتارى بويىنشا ءبىلىم الاتىن ستۋدەنتتەردىڭ شاكىرتاقى مولشەرىن ۇلعايتۋ ماسەلەسى دە كوتەرىلدى. اگرارلىق كوللەدجدەردىڭ باسشىلارى وقۋ ورىندارىنا جەر تەلىمدەرىن ءبولۋ جانە وقۋ-وندىرىستىك پروتسەستى ۇيىمداستىرۋ ءۇشىن اۋىل شارۋاشىلىعى تەحنيكاسىمەن قامتاماسىز ەتۋ تۋرالى ۇسىنىستارىن ورتاعا سالدى.
جيگۋلي دايراباەۆ كەزدەسۋدە كوتەرىلگەن باستامالاردى جۇزەگە اسىرۋ اگرارلىق سالادا بىلىكتى مامانداردى دايارلاۋعا جانە اۋىلدىق جەرلەردىڭ تۇراقتى دامۋىنا ىقپال ەتەتىنىن اتاپ ءوتتى. ول بارلىق ۇسىنىس الداعى دەپۋتاتتىق قىزمەتى بارىسىندا ەسكەرىلىپ, جان-جاقتى قارالاتىنىن جەتكىزدى.
