فوتو: قىرمىزى جۇماعاليقىزى
ونىڭ ايتۋىنشا, پرەزيدەنت تاراپىنان دايەكتى قولداۋدىڭ ارقاسىندا دەنساۋلىق ساقتاۋ سالاسىنا جۇمسالاتىن مەملەكەتتىك شىعىندار سوڭعى جىلدارى ءۇش ەسەگە جۋىق ءوسىپ, 2025 جىلى 3 ترلن تەڭگەگە جەتكەن. بۇل مەديتسينالىق كومەكتىڭ كولەمىن ەداۋىر كەڭەيتۋگە, ينفراقۇرىلىمدى اۋقىمدى تۇردە جاڭعىرتۋعا جانە مەديتسينالىق ۇيىمداردىڭ ماتەريالدىق-تەحنيكالىق بازاسىن جاڭارتۋعا مۇمكىندىك بەردى.
ماسەلەن, رەسپۋبليكالىق ماڭىزى بار ۇلتتىق ونكولوگيا ورتالىعى, استاناداعى شۇعىل مەديتسينا ورتالىعى, سونداي-اق الماتىداعى ۇلتتىق جۇقپالى اۋرۋلار ورتالىعى سىندى نەگىزگى نىساندار پايدالانۋعا بەرىلدى.
«مەملەكەت باسشىسىنىڭ تاپسىرماسى بويىنشا جۇزەگە اسىپ جاتقان اۋىلداعى دەنساۋلىق ساقتاۋ سالاسىن جاڭعىرتۋ جونىندەگى اۋقىمدى جوبا اياقتالىپ كەلەدى. قازىردىڭ وزىندە اۋىلدىق جەرلەردە 650-دەن استام مەديتسينالىق نىسان پايدالانۋعا بەرىلدى. بۇل قالا مەن اۋىل اراسىنداعى الشاقتىقتى ەداۋىر ازايتتى», دەدى تيمۋر سۇلتانعازيەۆ.
«12 جىلعا دەيىن قاماۋ»: قازاقستاندا مەديتسينا قىزمەتكەرلەرىنە شابۋىل جاساعاندارعا جازا بەكىتىلدىۇزاق ۋاقىتتان بەرى العاش رەت تاريفتىك ساياسات قايتا قارالدى. بوساندىرۋ جانە پەدياتريا تاريفتەرى كوتەرىلدى, اۋرۋلاردىڭ الدىن الۋعا, ەرتە دياگنوستيكالاۋعا جانە مەديتسينالىق قىزمەتتەردىڭ ساپاسىن ارتتىرۋعا باسا نازار اۋدارىلىپ وتىر. كلينيكالىق باعىتتاردا ەلەۋلى وڭ كورسەتكىشتەر بايقالىپ, انا مەن بالانىڭ دەنساۋلىعىن ساقتاۋ جۇيەسى نىعايعان. ونكولوگيالىق قىزمەت بەلسەندى دامىپ كەلەدى, بۇرىن نەگىزىنەن شەتەلدە قولجەتىمدى بولىپ كەلگەن جوعارى دالدىكتەگى ەمدەۋ ادىستەرى ەنگىزىلىپ جاتىر. دارىلىك ساياساتقا دەگەن جاڭاشا كوزقاراس ءدارى-دارمەكپەن قامتاماسىز ەتۋدىڭ تۇراقتىلىعىن ارتتىرىپ, بيۋدجەت قاراجاتىن ايتارلىقتاي ۇنەمدەۋگە مۇمكىندىك بەردى. مەملەكەت باسشىسىنىڭ قازاقستان حالقىنا جولداۋىندا بەلگىلەپ بەرگەن ستراتەگيالىق باسىمدىق رەتىندە تسيفرلاندىرۋعا ەرەكشە نازار اۋدارىلادى.
«سالادا «eDensaulyq» ەكوجۇيەسى قالىپتاسىپ كەلەدى, دارىگەردى قولداۋ جانە مەديتسينالىق كومەكتىڭ ساپاسىن ارتتىرۋ قۇرالى رەتىندە جاساندى ينتەللەكت نەگىزىندەگى شەشىمدەر ەنگىزىلىپ جاتىر», دەدى ءبىرىنشى ۆيتسە-مينيستر.
سونىمەن قاتار پارلامەنت مەملەكەت باسشىسىنىڭ تاپسىرماسى بويىنشا ازىرلەنگەن مەديتسينا قىزمەتكەرلەرىن قورعاۋ تۋرالى زاڭناماعا ەنگىزىلگەن تۇزەتۋلەردى ماقۇلدادى. قىزمەتتىك مىندەتتەرىن اتقارۋ كەزىندە مەديتسينا قىزمەتكەرلەرى مەن جەدەل جاردەم جۇرگىزۋشىلەرىنە قاتىستى جاسالعان زورلىق-زومبىلىق ءۇشىن جەكە قىلمىستىق جاۋاپكەرشىلىك ەنگىزىلىپ جاتىر. سونداي-اق دارىگەرلەردىڭ كاسىبي جاۋاپكەرشىلىگىن ساقتاندىرۋ تەتىگى ىسكە قوسىلدى. الەۋمەتتىك قولداۋ شارالارىنىڭ ارقاسىندا دارىگەر تاپشىلىعى – 19%-عا, ورتا مەديتسينالىق پەرسونال جەتىسپەۋشىلىگى – 7%-عا, اۋىلدىق جەرلەردە كادرعا سۇرانىس –16%-عا تومەندەدى.
«2026 جىلدان باستاپ ينفەكتسيالىق قىزمەتتەر مەن جەدەل مەديتسينالىق جاردەم قىزمەتكەرلەرىنىڭ جالاقىسىن ارتتىرۋ قاراستىرىلعان. ال دارىگەرلەرگە قاتىستى زورلىق-زومبىلىق ءۇشىن جاۋاپكەرشىلىك كۇشەيتىلەدى. ساقتاندىرۋ مودەلىنە كوشۋدى, حالىقتى قامتۋ كولەمىن كەڭەيتۋدى جانە مەديتسينالىق قىزمەتتەر ساپاسىن مەملەكەتتىك باقىلاۋدى قالپىنا كەلتىرۋدى كوزدەيتىن مىندەتتى الەۋمەتتىك مەديتسينالىق ساقتاندىرۋ جۇيەسىن جەتىلدىرۋ جونىندەگى زاڭ قابىلداندى», دەدى ت. سۇلتانعازيەۆ.
سالانى دامىتۋدىڭ ستراتەگيالىق باسىمدىقتارى ايقىندالىپ, دەنساۋلىق ساقتاۋدى دامىتۋدىڭ 2029 جىلعا دەيىنگى تۇجىرىمداماسى جانە مەديتسينالىق كومەكتىڭ ساپاسىن باسقارۋدىڭ كەشەندى جوسپارى ازىرلەندى.
2026 جىلدان باستاپ جۇمىسسىز ازاماتتار ءمامس ارقىلى تەگىن مەديتسينالىق كومەك الادى
ءبىرىنشى ۆيتسە-مينيستر اتاپ وتكەن ءىس-شارالاردىڭ ارقاسىندا حالىقتىڭ بولجامدى ءومىر ءسۇرۋ ۇزاقتىعى 75,8 جىلدى قۇراپ, ءولىم-ءجىتىم كورسەتكىشتەرى تومەندەپ كەلەدى. جالپى ءولىم-ءجىتىم – 2,6%-عا, نارەستە ءولىمى – 18%-عا قىسقاردى.
