سالتاناتتى شارا قازاقستاننىڭ مادەنيەت, سپورت, تۋريزم جانە اقپاراتتىق قىزمەتكەرلەر سالالىق كاسىپوداعى مەن EL Qurmetty قوعامدىق قورىنىڭ ۇيىمداستىرۋىمەن ءوتتى. اتالعان ماراپات ەڭبەك ادامىنىڭ ابىرويىن كوتەرۋدى, ادال ەڭبەكتى دارىپتەۋدى جانە كاسىپكەرلىك پەن وندىرىستەگى جەتىستىكتەردى مويىنداۋدى ماقسات ەتەدى.
«ەڭبەك داڭقى» توسبەلگىسى تەك قاتاڭ ىرىكتەۋدەن وتكەن ۇمىتكەرلەرگە عانا تابىستالادى. ماراپاتتاۋ پروتسەسىن قازاقستاننىڭ سالالىق كاسىپوداعى مەن EL Qurmetty قورى جانىنداعى ۇلتتىق كوميسسيا تولىق باقىلاۋدا ۇستايدى. الدىمەن كاسىپوداقتار, ەڭبەك ۇجىمدارى جانە قوعامدىق ۇيىمدار ۇمىتكەرلەردى ۇسىنادى. ۇسىنىلعان قۇجاتتاردا كانديداتتىڭ كەمىندە بەس جىلدىق ەڭبەك ءوتىلى, ناقتى جەتىستىكتەرى, ولشەنەتىن ناتيجەلەرى – ەكونوميكالىق وسىمگە قوسقان ۇلەسى, يننوۆاتسيالىق باستامالارى نەمەسە الەۋمەتتىك جوبالارى جان-جاقتى كورسەتىلەدى.
كەلەسى كەزەڭدە ۇمىتكەرلەردى EL Qurmetty قورىنىڭ ۇلتتىق كوميسسياسى قارايدى. كوميسسيا توراعاسى جارىلكاسىن شىناربەك باسشىلىق ەتەتىن بۇل ورگان كانديداتتاردىڭ ۇزاق مەرزىمدى ەڭبەگىن, جاڭاشىلدىعىن, ادال قىزمەتىن جانە ەل ەكونوميكاسىنىڭ باسىم باعىتتارىنا سايكەستىگىن باعالايدى. باعالاۋ بارىسىندا تەكسەرۋلەر جۇرگىزىلىپ, سۇحباتتار الىنادى, سالالىق ساراپشىلاردىڭ پىكىرلەرى تىڭدالادى. كوميسسيا ماقۇلداعان جاعدايدا ماراپات رەسمي سالتاناتتى راسىمدە تابىستالادى. 2024 جىلعى ماراپاتتاۋ كەزىندە توسبەلگىنى قازاقستاننىڭ سالالىق كاسىپوداعى وكىلدەرى مەن EL Qurmetty قورىنىڭ باسشىلىعى تابىس ەتتى. ۇيىمداستىرۋشىلاردىڭ مالىمەتىنشە, جىل سايىن ماراپات يەگەرلەرىنىڭ سانى شەكتەۋلى – ادەتتە 10–15 ادامنان اسپايدى, بۇل ناگرادانىڭ بەدەلىن ساقتاۋعا مۇمكىندىك بەرەدى.
«ەڭبەك داڭقى» توسبەلگىسىن قازاقستاننىڭ مادەنيەت, سپورت, تۋريزم جانە اقپاراتتىق قىزمەتكەرلەر سالالىق كاسىپوداعى EL Qurmetty قوعامدىق قورىمەن بىرلەسىپ تاعايىندايدى. ماراپاتتاۋ 1993 جىلعى «مەملەكەتتىك ناگرادالار تۋرالى» زاڭ تالاپتارىنا سايكەس جۇزەگە اسىرىلادى. قوردىڭ باستى ماقساتى – ەڭبەك پەن كاسىپكەرلىك جەتىستىكتەرىن مويىنداۋ, الەۋمەتتىك جاۋاپكەرشىلىكتى قولداۋ جانە ۇلتتىق قۇندىلىقتاردى ساقتاۋ. توسبەلگى ۇزاق جىلدار بويى ادال ەڭبەك ەتىپ, ءوندىرىس, بيزنەس نەمەسە قوعامدىق سالادا ناقتى ناتيجەگە قول جەتكىزگەن ازاماتتارعا بەرىلەدى.
2024 جىلعى ماراپاتتاۋ بارىسىندا بەس ازامات «ەڭبەك داڭقى» توسبەلگىسىنىڭ يەگەرى اتاندى. ولاردىڭ ارقايسىسى قازاقستاننىڭ دامۋىنا وزىندىك ۇلەس قوسقان.
كاسىپكەر رايس اگاەۆ, «فاۆوريت» كومپانياسىنىڭ باسشىسى, بيزنەس دامىتۋ, كاسىبي كادرلاردى دايارلاۋ جانە كاسىپورىننىڭ الەۋمەتتىك جاۋاپكەرشىلىگىن ارتتىرۋداعى جەتىستىكتەرى ءۇشىن ماراپاتتالدى. ونىڭ باستاماسىمەن قازاقستاننىڭ اۆتوكولىك نارىعىنا زاماناۋي شەشىمدەر ەنگىزىلىپ, كومپانيا اينالىمى 3 ملن اقش دوللارىنا جەتكەن. سونداي-اق 180 جاڭا جۇمىس ورنى قۇرىلىپ, جاس ماماندارعا ارنالعان تاعىلىمدامالار مەن جاڭا تەحنولوگيالار بويىنشا وقىتۋ باعدارلامالارى ۇيىمداستىرىلعان.
جارىلقاسىن شىناربەك, EL Qurmetty قورىنىڭ توراعاسى, كاسىپكەرلىك پەن ەكونوميكانى دامىتۋعا قوسقان ۇلەسى ءۇشىن ماراپاتقا يە بولدى. ول شاعىن جانە ورتا بيزنەستى دامىتۋعا باعىتتالعان ۇلتتىق كوميسسيالاردىڭ جۇمىسىنا قاتىسىپ, سالالىق ستراتەگيالاردى ازىرلەۋگە اتسالىسقان.
ءبىلىم بەرۋ سالاسىنىڭ مامانى سالتانات ق ۇلىمبەتوۆا جاستارعا ارنالعان يننوۆاتسيالىق ءبىلىم بەرۋ باعدارلامالارىن ەنگىزىپ, اۋىلدىق وڭىرلەردە بىلىمگە قولجەتىمدىلىكتى ارتتىرۋداعى ەڭبەگى ءۇشىن تانىلدى.
ونەركاسىپ ينجەنەرى بەكزات ەركەبۇلان ۇلى وندىرىستىك جوبالارداعى يننوۆاتسيالىق شەشىمدەرى مەن ەڭبەك قاۋىپسىزدىگىن جاقسارتۋعا قوسقان ۇلەسى ءۇشىن ماراپاتتالدى. ونىڭ جۇمىسى ءوندىرىس سەكتورىنىڭ تۇراقتىلىعىن ارتتىرۋعا ىقپال ەتتى.
الەۋمەتتىك قايراتكەر ايجان تولەگەنوۆا ايەلدەر مەن جاستارعا باعىتتالعان قوعامدىق باستامالار ارقىلى الەۋمەتتىك ءال-اۋقاتتى جاقسارتۋعا قوسقان ۇلەسى ءۇشىن «ەڭبەك داڭقى» توسبەلگىسىن الدى.
ۇيىمداستىرۋشىلاردىڭ ايتۋىنشا, بۇعان دەيىن دە بۇل ماراپات ەل دامۋىنا ىقپال ەتكەن بىرقاتار تۇلعاعا تابىستالعان. ولاردىڭ قاتارىندا ەكونوميست ورازالى سابدەن, مادەنيەت قايراتكەرى قاناتبەك كۇڭگوجىن ۇلى, پروفەسسور بايقاريم تۇتەنەۆ جانە قوعام قايراتكەرى جارىلكاسىن شىناربەك بار.
مامانداردىڭ پىكىرىنشە, «ەڭبەك داڭقى» سياقتى ماراپاتتار ەلدىڭ الەۋمەتتىك-ەكونوميكالىق دامۋىنا سەرپىن بەرەدى. ولار ەڭبەككە دەگەن قۇرمەتتى ارتتىرىپ, جاڭا بۋىندى ادال ەڭبەككە ىنتالاندىرادى. سونىمەن قاتار مۇنداي ماراپاتتار يندۋستريالاندىرۋ, يننوۆاتسيا جانە ەكونوميكالىق ينتەگراتسيا ۇدەرىستەرىن قولداپ, قازاقستاننىڭ حالىقارالىق ءيميدجىن كۇشەيتۋگە, شەتەلدىك ينۆەستيتسيا تارتۋعا جانە ۇلتتىق ماقتانىش سەزىمىن نىعايتۋعا ىقپال ەتەدى.
