استانا. 12 مامىر. ەندى بىرەر ساعاتتان كەيىن الماتىداعى ورتالىق ستاديوندا فۋتبولدان قازاقستان بۋركينا-فاسو قۇراماسىمەن جولداستىق كەزدەسۋ وتكىزەدى. بۇل تۋرالى egemen.kz حابارلادى.
ويىن استانا ۋاقىتىمەن ساعات 18:00-دە باستالادى. ماتچتى «حابار» تەلەارناسى تىكەلەي ەفيردە كورسەتەدى. اتالعان كەزدەسۋدە ماماندار الاڭ يەلەرىنە ازداعان باسىمدىق بەرىپ وتىر.
ۇلتتىق قۇرامامىزدىڭ ساپىندا «قايراتتىڭ» كاپيتانى باۋىرجان يسلامحان مەن «استانانىڭ» شابۋىلشىسى باۋىرجان جولشيەۆ جاراقاتتارىنا بايلانىستى الاڭعا شىعا المايتىنىن ايتا كەتەيىك.
ويىنعا وزبەكستاننىڭ بەلگىلى تورەشىسى راۆشان يرماتوۆ قازىلىق جاسايدى. 37 جاستاعى تورەشى بۇگىنگە دەيىن ەكى بىردەي الەم چەمپيوناتىندا (2010 ج., 2014 ج.) قىزمەت كورسەتتى. سونداي-اق, وليمپيادا, ازيا كۋبوگى جانە كلۋبتار اراسىنداعى الەم چەمپيوناتى سىندى بەدەلدى جارىستاردا تورەلىك جاساعان تاجىريبەلى مامان. ودان بولەك, يرماتوۆ الەم چەمپيوناتتارىندا قازىلىق جاساعان ويىن سانى جونىنەن رەكوردتىق كورسەتكىشكە يە. ەكى مۋنديالدا ول 9 كەزدەسۋگە تورەلىك ايتقان.
راۆشان يرماتوۆ وسىعان دەيىن ەكى مارتە قازاقستاندا وتكەن ويىنعا قىزمەت كورسەتتى. ونىڭ ءبىرى قازاقستان مەن ومان اراسىنداعى جولداستىق كەزدەسۋ.
باس تورەشىگە الاڭ جيەگىندە ونىڭ وتانداسى دجاحانگير سايدوۆ پەن قىرعىز ءباھادۇر قوشقاروۆ كومەكتەسەدى.
ەلامان قوڭىر.
دەرەك: egemen.kz.
سۋرەت: kff.kz.
